scorecardresearch

Premium

मणिपूर धिंडप्रकरणी सीबीआय तपास; चित्रफीत तयार करणाऱ्या संशयिताला अटक

मणिपूरमध्ये ४ मे रोजी दोन महिलांना विवस्त्र करून धिंड काढल्याच्या प्रकरणी केंद्रीय अन्वेषण विभागाचे (सीबीआय) अधिकारी लवकरच तपास सुरू करतील, अशी माहिती वरिष्ठ सरकारी अधिकाऱ्यांनी दिली.

Officials of the Central Investigation Department are investigating the case of women being stripped naked in Manipur
( मणिपूर धिंडप्रकरणी सीबीआय तपास; चित्रफीत तयार करणाऱ्या संशयिताला अटक )

पीटीआय, नवी दिल्ली

मणिपूरमध्ये ४ मे रोजी दोन महिलांना विवस्त्र करून धिंड काढल्याच्या प्रकरणी केंद्रीय अन्वेषण विभागाचे (सीबीआय) अधिकारी लवकरच तपास सुरू करतील, अशी माहिती वरिष्ठ सरकारी अधिकाऱ्यांनी दिली.एकाही दोषीला सोडले जाणार नाही, त्यांना कठोरात कठोर शासन केले जाईल अशी ग्वाहीही अधिकाऱ्याने दिली. दरम्यान, ही चित्रफीत तयार करणाऱ्या संशयिताला अटक करण्यात आली आहे.

tax fraud case
१७५ कोटींचे कर फसणूक प्रकरण : विक्रीकर अधिकारी व १६ जणांवर गुन्हा दाखल, एसीबीची कारवाई
Inspection of records in land records office by police in case of arrest of KDMC urban planning staff
कडोंमपा नगररचना कर्मचारी अटक प्रकरणात पोलिसांकडून भूमि अभिलेख कार्यालयातील अभिलेखांची तपासणी
Sheena Bora murder case CBI applies to special court to stay documentary on Indrani Mukherjee
शीना बोरा हत्याकांड : इंद्राणी मुखर्जीवरील माहितीपटाला स्थगिती द्या, सीबीआयचा विशेष न्यायालयात अर्ज
ec orders immediately suspend three senior officials in evm theft case
पुणे: मतदान यंत्रे चोरी प्रकरण तीन वरिष्ठ अधिकाऱ्यांना भोवले

४ मे रोजी मणिपूरमध्ये हिंसाचार भडकल्यानंतर कुकी समाजातील दोन महिलांची विवस्त्र करून धिंड काढण्यात आली होती. तब्बल दोन महिन्यांनी या प्रकरणाची चित्रफीत समोर आल्यानंतर देशभरातून संतापाची लाट उसळली आणि विरोधकांनी सरकारला लक्ष्य केले. या पार्श्वभूमीवर या घटनेचा तपास सीबीआयकडे देण्यात आल्याचे सरकारी अधिकाऱ्यांनी सांगितले. मणिपूर दंगलीशी संबंधित अन्य पाच गंभीर गुन्ह्यांच्या तपास यापूर्वीच सीबीआयकडे देण्यात आल्याचे या अधिकाऱ्यांनी स्पष्ट केले. ही चित्रफीत तयार करणाऱ्या संशयिताला बेडय़ा ठोकण्यात आल्या असून त्याच्याकडील मोबाईलही जप्त करण्यात आला आहे. यामुळे उजेडात आलेल्या चित्रफितीव्यतिरिक्त अन्य काही पुरावेदेखील हाती लागण्याची शक्यता असल्याचे अधिकाऱ्यांनी स्पष्ट केले.

एकीकडे तपास सुरू असताना मणिपूरमध्ये शांतता प्रस्थापित व्हावी, यासाठी प्रयत्न सुरू असल्याचे केंद्र सरकारच्या वतीने सांगण्यात आले आहे. कुकी आणि मैतेई समुदायांना चर्चेसाठी समोरासमोर आणण्याचा प्रयत्न असल्याची माहिती सूत्रांनी दिली. १८ जुलैनंतर राज्यात एकही हत्या झाली नसल्याचा दावाही सरकारच्या वतीने करण्यात आला आहे.

खटला राज्याबाहेर?

महिलांची धिंड काढल्याप्रकरणी खटला अन्य राज्यात, शक्यतो आसाममध्ये चालविला जाण्याची शक्यता आहे. याबाबत केंद्र सरकारकडून सर्वोच्च न्यायालयाला विनंती केली जाईल, अशी माहिती अधिकाऱ्यांनी दिली.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Officials of the central investigation department are investigating the case of women being stripped naked in manipur amy

First published on: 28-07-2023 at 05:20 IST

संबंधित बातम्या

तुम्ही या बातम्या वाचल्या आहेत का? ×