VIDEO: दाऊद इब्राहिमला आमच्याकडे सोपवणार का? भारतीय पत्रकाराचा प्रश्न ऐकताच पाकिस्तानी अधिकाऱ्याने तोंडावर बोट ठेवलं अन्…

मोहसीन बट हे पाकिस्तानच्या ‘फेडरल इन्व्हेस्टिगेशन एजन्सी’चे (FIA) महासंचालक आहेत. दिल्लीतील इंटरपोलच्या आमसभेसाठी पाकिस्तानने पाठवलेल्या दोन सदस्यीय शिष्टमंडळाचे ते सदस्य आहे. भारत-पाकिस्तान सीमेवर दहशतवाद्यांच्या हालचाली वाढल्यामुळे तणाव असतानाचं पाकिस्तानचे शिष्टमंडळ भारत दौऱ्यावर आहे. संयुक्त राष्ट्राच्या आमसभेत काश्मीरचा मुद्दा मांडल्यानंतर इतर जागतिक मंचांवरही मुद्दा उपस्थित करण्याचा पाकिस्तानचा प्रयत्न आहे. त्यामुळे इंटरपोलच्या या आमसभेला महत्त्व प्राप्त झाले आहे.

इंटरपोलच्या कामकाजाशी निगडीत मुद्द्यांवर निर्णय घेण्यासाठी दरवर्षी सर्व देशाच्या प्रतिनिधींच्या उपस्थितीत ही आमसभा घेण्यात येते. या सभेला आज पंतप्रधान नरेंद्र मोदींनी संबोधित केले आहे. चार दिवसीय या आमसभेत जगातील १९५ देशांचे प्रतिनिधी सहभागी झाले आहेत. मंत्री, देशांचे पोलीस प्रमुख, राष्ट्रीय केंद्रीय ब्युरोच्या अध्यक्षांसह वरिष्ठ पोलीस अधिकारी या सभेत सहभागी झाले आहेत. २५ वर्षांनंतर इंटरपोलची आमसभा भारतात आयोजित करण्यात आली आहे.