उत्तर प्रदेशसहीत पाच राज्यांमधील विधानसभा निवडणुकीच्या मतदानाचा अंतिम टप्पा पार पडल्यानंतर तेल कंपन्यांनी या राज्यांमधील अनेक शहरांतील पेट्रोल-डिझेलच्या किंमतींमध्ये वाढ केलीय. विशेष करुन उत्तर प्रदेशमधील महत्वाच्या शहरांमधील इंधनाचे दर निवडणुकीच्या दुसऱ्याच दिवशी वाढल्याचे दिसत आहेत. विशेष म्हणजे मागील बऱ्याच काळापासून या शहरांमध्ये इंधनाचे दर स्थिर होते. सरकारी तेल कंपन्यांनी मंगळवारी उत्तर प्रदेशमधील नोएडा, लखनऊबरोबरच बिहारची राजधानी पटना आणि हरियाणामधील गुरुग्राम येथील पेट्रोल तसेच डिझेलच्या दरांमध्ये वाढ केलीय. मुख्य चार शहरांपैकी चेन्नई वगळता इतर तीन म्हणजेच दिल्ली, मुंबई आणि कोलकात्यामध्ये इंधनाचे दर जैसे थे आहेत. या शहरांमधील इंधनाचे दर मागील चार महिन्यांपासून स्थिर आहेत. मुंबईत पेट्रोलचे दर लिटरमागे ११० रुपये इतका आहे. महाराष्ट्रातील जवळजवळ सर्वच शहरांमधील दर मुंबईप्रमाणे पूर्वीसारखेच आहेत. चार मुख्य शहरांमधील दर खालीलप्रमाणेदिल्ली – पेट्रोल ९५.४१ रुपये प्रति लिटर, डिझेल ८६.६७ रुपये प्रति लिटरमुंबई – पेट्रोल १०९.९८ रुपये प्रति लिटर, डिझेल ९४.१४ रुपये प्रति लिटरचेन्नई – पेट्रोल १०१.५१ रुपये प्रति लिटर, डिझेल ९१.५३ रुपये प्रति लिटरकोलकत्ता – पेट्रोल १०४.६७ रुपये प्रति लिटर, डिझेल ८९.७९ रुपये प्रति लिटर या शहरांमध्ये बदलण्यात आले दरगुरुग्राम - पेट्रोल ९५.६८ रुपये प्रति लिटर, डिझेल ८६.९० रुपये प्रति लिटरनोएडा - पेट्रोल ९५.६४ रुपये प्रति लिटर, डिझेल ८७.१४ रुपये प्रति लिटरजयपूर - पेट्रोल १०७.०६ रुपये प्रति लिटर, डिझेल ९०.७० रुपये प्रति लिटरलखनऊ- पेट्रोल ९५.२९ रुपये प्रति लिटर, डिझेल ९१.४३ रुपये प्रति लिटरपटना - पेट्रोल १०६.२६ रुपये प्रति लिटर, डिझेल ९१.४३ रुपये प्रति लिटर जाणून घ्या तुमच्या शहरामधील दरदेशामधील तिन्ही तेल कंपन्या एचपीसीएल, बीपीसीएल आणि आयओसी रोज सकाळी सहा वाजता इंधनाच्या नवीन दरांची घोषणा करतात. या नव्या दरांची माहिती त्यांच्या वेबसाईटवर मिळते. तर दुसरीकडे फोनवरही एसएमएस करुन नवीन दर तपासण्याची सुविधा देण्यात आलीय. 92249 92249 क्रमांकावर एसएमएस पाठवून पेट्रोल डिझेलच्या नवीन दरांबद्दल माहिती मिळवता येते. RSP < स्पेस > पेट्रोल पंप डिलरचा कोड लिहून 92249 92249 वर पाठवावा.