कर्नाटकमध्ये खासदार प्रज्ज्वल रेवण्णा यांच्या सेक्स स्कँडल प्रकरण समोर आल्यानंतर मोठी खळबळ उडाली. प्रज्ज्वल रेवण्णा यांच्यावर लैंगिक अत्याचाराचे आरोप होताच त्यांनी भारतातून पळ काढला. त्यानंतर त्यांचे वडील एचडी रेवण्णा यांच्यावरही गुन्हा दाखल करून त्यांना अटक करण्यात आली होती. सेक्स स्कँडल प्रकरण समोर आल्यानंतर जनता दल (सेक्युलर) पक्ष अडचणीत आला. यानंतर पक्षाने खासदार प्रज्ज्वल रेवण्णा यांचं पक्षातून निलंबन केलं. यानंतर आता एचडी कुमारस्वामी यांनी त्यांचा पुतण्या प्रज्ज्वल रेवण्णा यांना भारतात येण्याचं आवाहन केलं आहे.

एचडी कुमारस्वामी म्हणाले, प्रज्ज्वल रेवण्णा यांना मी आवाहन करतो की, “त्यांनी लवकरात लवकर भारतात यावं आणि पोलिसांना तपासात सहकार्य करावं. चोर-पोलिसांचा हा खेळ किती दिवस चालणार? जर तुम्ही राजकारणात पुढे जावे अशी तुमच्या आजोबांची इच्छा होती. आता त्यांच्या प्रतिष्ठेचा आदर करत असाल तर भारतात परत या”, असं जाहीर आवाहन कुमारस्वामी यांनी प्रज्ज्वल रेवण्णा यांना केलं आहे.

Ian Bremmer prashant kishor
भाजपाला किती जागा मिळणार? प्रशांत किशोरांपाठोपाठ अमेरिकन राजकीय संशोधकाने केलं विश्लेषण
yogendra yadav
“लोकसभेच्या निकालानंतर अजित पवार आणि एकनाथ शिंदे…”, योगेंद्र यादव यांचं मोठं विधान!
navi Mumbai lok sabha voting
Maharashtra Lok Sabha Election 2024 Phase 5 Voting Live: महाराष्ट्रात सायंकाळी ५ वाजेपर्यंत ४८.६६ टक्के मतदान!
ravindra dhangekar claim on pune acident
पुणे पोर्श गाडी अपघात प्रकरण : “आरोपीला वाचवण्यासाठी कोट्यवधींचा व्यवहार झाला”; रवींद्र धंगेकरांचा दावा; म्हणाले…
Raghuram Rajan reuters
“निवडणुकीत भाजपाचा पराभव झाला तर…”, भारताच्या अर्थव्यवस्थेबाबत माजी RBI गव्हर्नर रघुराम राजन यांचं मोठं वक्तव्य
Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
sambit patras
“भगवान जनन्नाथ हे पंतप्रधान मोदींचे भक्त”; संबित पात्रांच्या विधानानंतर नवा वाद निर्माण होण्याची शक्यता!
Pune Porsche Accident Latest Updates in Marathi
Pune Porsche Accident:अश्विनी आणि अनिश यांना पोर्शने धडक देण्याआधी काय घडलं? डिनर प्लॅन आणि..

हेही वाचा : कॅनडा, ऑस्ट्रेलियासह अरब राष्ट्रांमधून AAP ला अवैध निधी; ईडीने गृहमंत्रालयाला सोपवला अहवाल

या कथित सेक्स स्कँडल प्रकरणातील आरोपी प्रज्वल रेवण्णा हे कर्नाटकच्या हसन मतदारसंघाचे विद्यमान खासदार आहेत. याच मतदारसंघातून ते भाजपा-जेडीएस युतीचे उमेदवारही आहेत. मात्र, सेक्स स्कँडल प्रकरण बाहेर येताच त्यांनी विदेशात पळ काढला. यानंतर आता रेवण्णा यांच्या विरोधात पोलिसांकडून लुक आउट नोटीस जारी करण्यात आली आहे. या प्रकरणाचा तपास कर्नाटक पोलिसांचं विशेष पथक करत आहे.

कुमारस्वामींनी मागितली पीडितांची माफी

कुमारस्वामी यांनी या सेक्स स्कँडल प्रकरणातील पीडितांची माफी मागितली. ते म्हणाले, “मी पुन्हा एकदा माझ्या माता-भगिनींची जाहीर माफी मागतो. त्यांची मानसिक वेदना मी समजू शकतो. ही बाब अस्वीकारार्ह आहे. या घटनेमुळे आमची मान शरमेने झुकली आहे”, असं कुमारस्वामी म्हणाले.

कुटुंबातील सदस्यांचे फोन टॅप होत असल्याचा आरोप

माजी मुख्यमंत्री एचडी कुमारस्वामी यांनी आज आरोप केला की, सेक्स स्कँडल प्रकरणात त्यांच्या कुटुंबातील सदस्यांचे तसेच समर्थकांचे फोन टॅप केले जात आहेत. यावरून कुमारस्वामी यांनी राज्य सरकारवर त्यांची आणि त्यांच्या कुटुंबाची हेरगिरी केल्याचा आरोप केला आहे. दरम्यान, कुमारस्वामी यांनी केलेल्या आरोप उपमुख्यमंत्री डीके शिवकुमार यांनी फेटाळून लावले आहेत. तसेच हे आरोप निराधार असल्याचं डीके शिवकुमार यांनी म्हटलं आहे.