राष्ट्रपती निवडणूक : भाजपच्या समितीमध्ये भारती पवार, विनोद तावडे

नवी दिल्ली : विरोधी पक्षांच्या दिल्लीत झालेल्या बैठकीनंतर, भाजपनेही राष्ट्रपती पदाच्या निवडणुकीच्या तयारीला गती दिली असून शुक्रवारी पक्षाने १४ सदस्यांची व्यवस्थापन समिती नियुक्ती केली. यामध्ये केंद्रीय आरोग्य राज्यमंत्री भारती पवार व राष्ट्रीय सचिव विनोद तावडे यांचा समावेश आहे.   ही निवडणूक बिनविरोध होण्यासाठी भाजप प्रयत्नशील असून विरोधी पक्षांशी तसेच, राष्ट्रीय लोकशाही आघाडीतील (एनडीए) घटक पक्षांशी संपर्क साधण्याची जबाबदारी केंद्रीय संरक्षणमंत्री राजनाथ सिंह तसेच, भाजपचे राष्ट्रीय अध्यक्ष जे. पी. नड्डा यांच्यावर सोपवण्यात आली आहे. केंद्रीय जलशक्तीमंत्री गजेंद्रसिंह शेखावत हे समितीचे समन्वयक आहेत. राष्ट्रीय सचिव विनोद तावडे व सीय टी. रवी हे सहसमन्वयक आहेत.