वी दिल्ली : केंद्रातील भाजप सरकारला ९ वर्षे पूर्ण झाल्यानिमित्त पक्षाची सर्वात मोठी जनसंपर्क मोहीम मंगळवारपासून सुरू झाली. २०२४च्या लोकसभा निवडणुकीच्या तयारीचा भाग म्हणून ही महासंपर्क मोहीम राबवली जात असल्याची माहिती राष्ट्रीय महासचिव तरुण चुग यांनी पत्रकार परिषदेत दिली.

या मोहिमेअंतर्गत पंतप्रधान नरेंद्र मोदी बुधवारी राजस्थानातील अजमेर येथे जाहीर सभा घेतील. ही मोहीम ३० जूनपर्यंत राबवली जाईल.
आत्तापर्यंत भाजपने राबवलेल्या जनसंपर्क मोहिमेतील ही सर्वात मोठी मोहीम असून लोकसभेच्या ५४५ पैकी ५०० मतदारसंघांमध्ये पक्षाच्या वतीने सभा आयोजित केल्या जाणार आहेत. प्रत्येक लोकसभा मतदारसंघामध्ये १ हजार मान्यवर कुटुंबांशी संपर्क केला जाईल. त्यामुळे सर्व मतदारसंघांमध्ये मिळून ५ लाख नामवंतांच्या कुटुंबांच्या भेटीगाठी घेतल्या जातील, असे चुग म्हणाले.

MP Anwarul Azim Anar Murder in Kolkata
बांगलादेशच्या खासदाराची भारतात हत्या; ‘हनी ट्रॅप’ केल्याचा पोलिसांचा संशय
mpsc Mantra Non Gazetted Services Joint Prelims Exam
mpsc मंत्र :अराजपत्रित सेवा संयुक्त पूर्व परीक्षा
The people of Dharavi will benefit from rehabilitation Rahul Shewale
उमेदवारांची भूमिका- दक्षिण मध्य मुंबई; पुनर्वसनातून धारावीकरांचा फायदाच होईल- राहुल शेवाळे (शिवसेना शिंदे गट)
Arvind Kejriwal made a claim about Amit Shah
पंतप्रधान मोदी पुढील वर्षी निवृत्त! शहांसाठी मते मागत असल्याचा केजरीवाल यांचा दावा
Sanjay Raut on Ajit pawar (1)
“मला सुनेत्रा पवारांची दया येते, त्यांच्या पतीराजाने…”, संजय राऊतांची बोचरी टीका; म्हणाले, “एका गृहिणीला…”
Amit Shah
अमित शाहांचा कोकणातून उद्धव ठाकरेंवर हल्लाबोल, स्वातंत्र्यवीर सावरकरांचं नाव घेत म्हणाले…
voting percentage, central government,
केंद्र सरकारच्या दबावामुळे तर मतदानाचा टक्का वाढला नाही ना ? अनिल देशमुख यांचा सवाल
Scam in first and second phase polling percentage Jitendra Awhads serious allegations against the Election Commission
पहिल्या- दुसऱ्या टप्प्यातील मतदान टक्केवारीत घोटाळा, जितेंद्र आव्हाड यांचा निवडणुक आयोगावर गंभीर आरोप

२०१९ मध्ये कमी मतांनी पराभव झालेल्या १३६ लोकसभा मतदारसंघांमध्ये गेल्या वर्षभरापासून भाजपने जनसंपर्क वाढवण्याचे काम सुरू केले होते. दोन-तीन मतदारसंघांचा गट करून त्याची जबाबदारी केंद्रीय मंत्र्यांकडे देण्यात आली होती. या कामासाठी पक्षाने समन्वय समिती बनवली आहे. आता ५४५ लोकसभा मतदारसंघ १४४ गटांमध्ये विभागण्यात आले असून प्रत्येक गटात दोन-तीन मतदारसंघ असतील. प्रत्येक गटाची जबाबदारी मंत्री व पक्षाच्या वरिष्ठ नेत्यांकडे दिली जाणार असून प्रवासी लोकसभा मतदारसंघ मोहिमेप्रमाणे या मतदारसंघांमध्ये मंत्री-नेते आठ दिवस राहील, असे चुग म्हणाले.

सरकारच्या योजनांबाबत जनमताची चाचपणी

मंत्री-नेते प्रत्येक लोकसभा मतदारसंघामध्ये विविध समाजांशी संपर्क साधून केंद्रातील योजना त्यांच्यापर्यंत पोहोचल्या आहेत की नाही, याची खात्री करून घेतील. मतदार भाजपला अनुकूल आहेत का, नसतील तर त्याची कारणे काय आहेत हे जाणून घेतले जाईल. केंद्रातील योजना लोकांपर्यत पोहोचल्या नसतील तर तिथे विशेष लक्ष दिले जाईल. या महाजनसंपर्क मोहिमेच्या अहवालानंतर लोकसभा निवडणुकीसाठी धोरणांची आखणी केली जाणार आहे, असेही चुग यांनी सांगितले.