राजस्थानमधील भरतपूर येथील एका न्यायाधीशाला अल्पवयीन मुलावर लैंगिक अत्याचार केल्याप्रकरणी निलंबित करण्यात आले आहे. त्याच्यासह या न्यायालयातील अन्य दोन कर्मचाऱ्यांचाही या गैरकृत्यात सहभाग होता. जितेंद्र सिंह गोलिया असे न्यायाधीशाचे नाव आहे. गोलिया लाचलुचपत प्रतिबंधक विभागाचे विशेष न्यायाधीश होते. याप्रकरणी एका महिलेने मथुरा गेट पोलिस ठाण्यात तक्रार दाखल केली होती. प्राथमिक चौकशी आणि विभागीय चौकशीचा विचार होईपर्यंत राजस्थान उच्च न्यायालयाने रविवारी त्याला तत्काळ निलंबित केले. गेल्या एक महिन्यापासून न्यायाधीश गोलिया तिच्या मुलासोबत गैरवर्तन करत असल्याचे महिलेने तक्रारीत म्हटले आहे. न्यायाधीश गोलिया आणि दोन्ही कर्मचार्‍यांनी मुलाला याबाबत कोणालाही सांगू नको, अशी धमकी दिली होती. अंशुल सोनी आणि राहुल कटारा अशी आणखी दोन आरोपींची नावे आहेत. यामध्ये अंशुल सोनी हे न्यायाधीशांचे स्टेनोग्राफर असून राहुल कटारा हेही न्यायाधीशांच्या कर्मचाऱ्यांमध्ये होते. मथुरा गेट पोलीस स्टेशनचे स्टेशन प्रमुख रामनाथ यांनी सांगितले की, महिलेच्या तक्रारीच्या आधारे गुन्हा दाखल करण्यात आला असून तपास वरिष्ठ पोलिस अधिकाऱ्याकडे सोपवण्यात आला आहे. एसीबीचे सर्कल ऑफिसर परमेश्वर लाल यादव यांच्यासह अंशुल सोनी आणि राहुल कटारा हे मुलाला जीवे मारण्याची धमकी देत होते, असा आरोप पीडितेने केला आहे. हे प्रकरण समोर आल्यानंतर परमेश्वर लाल यादव यांना निलंबित करण्यात आले आहे. मिळालेल्या माहितीनुसार, पीडित मुलगा शहरातील कंपनी बाग येथील डिस्ट्रिक्ट क्लबमध्ये टेनिस खेळण्यासाठी जात होता. क्लबमध्ये भरतपूरचे अनेक अधिकारी आणि न्यायाधीश जितेंद्र गोलिया तेथे येत असत. त्यांनी प्रथम मुलाशी ओळख करून घेतली आणि नंतर त्याला त्याच्या घरी नेण्यास सुरुवात केली. यानंतर खाद्यपदार्थात अमली पदार्थ देऊन त्याच्याशी गैरकृत्य करायचे. https://twitter.com/ANI/status/1454860275463585792?ref_src=twsrc%5Etfw%7Ctwcamp%5Etweetembed%7Ctwterm%5E1454860275463585792%7Ctwgr%5E%7Ctwcon%5Es1_&ref_url=https%3A%2F%2Fzeenews.india.com%2Fhindi%2Findia%2Fspecial-judge-booked-for-raping-minor-boy-jodhpur-high-court-suspended-the-accused%2F1018821 महिलेने सांगितले की, गेल्या काही दिवसांपासून तिचा मुलगा त्रासलेला दिसत होता. एके दिवशी न्यायाधीश आपल्या मुलाला सोडण्यासाठी घरी आले तेव्हा त्यांनी मुलाचे चुंबन घेतले. हा सर्व प्रकार मुलाच्या आईने पाहिला. तेव्हा आई घाबरली तेव्हा तिने मुलाची विचारपूस केली, त्यानंतर मुलाने सर्व प्रकार आपल्या आईला सांगितला. हे प्रकरण उघडकीस आल्यानंतर प्रथम न्यायाधीशांनी मुलाला आणि त्याच्या कुटुंबाला तुरुंगात टाकण्याची धमकी दिली, पण जेव्हा परिस्थिती आणखी बिघडली तेव्हा न्यायाधीश स्वत: आपल्या दोन्ही साथीदारांसह मुलाच्या घरी पोहोचले आणि त्यांची माफी मागितली. त्याने पुढे काहीही करण्यास नकार दिला. यादरम्यान मुलाच्या कुटुंबीयांनी मॅजिस्ट्रेटची माफी मागणारा व्हिडिओ बनवला, जो त्यांनी सोशल मीडियावर व्हायरल केला.
