scorecardresearch

Premium

UAE च्या राजकन्येनं ‘दहशतवादी’ म्हणत टीका केल्यानंतर पत्रकार सुधीर चौधरींना वक्त्यांच्या यादीतून वगळलं

इंडियन चार्टर्ड अकाऊंट्स इन्स्टीट्यूशनने आयोजित केलेल्या कार्यक्रमामध्ये त्यांना वक्ता म्हणून बोलवण्यात आलेलं

UAE Princess And Sudhir Chaudhary
शनिवारीच यासंदर्भात नोंदवण्यात आलेला आक्षेप (फोटो सोशल नेटवर्किंगवरुन साभार)

संयुक्त अरब अमिरातीमधील एका कार्यक्रमामधून भारतीय पत्रकार सुधीर चौधीर यांना वगळण्यात आलं आहे. देशाच्या राजकुमारी असणाऱ्या हेंड बिंत फैसल अल कासिम यांनी रविवारी सोशल नेटवर्किंगवरुन यासंदर्भातील माहिती दिली आहे. राजकुमारी यांनी स्वत: शनिवारी सुधीर चौधरी यांना संयुक्त अरब अमिरातीमधील कार्यक्रमासाठी वक्ता म्हणून बोलवण्याच्या निर्णयावर आक्षेप घेतलेला. सुधीर चौधरी हे वादग्रस्त व्यक्तीमत्व असून ते असहिष्णु दहशतवादी आहेत, अशा शब्दांमध्ये राजकुमारीने टीका केलेली.

राजकुमारी यांनी ट्विटरवरुन सोमवारी दिलेल्या माहितीनुसार, “सुधीर चौधरी यांना आबू-धाबी चार्टर्ड अकाऊंट्सतर्फे आयोजित करण्यात आलेल्या कार्यक्रमातील वक्ता म्हणून वगळण्यात आलं आहे.” राजकुमारींनी आपल्या ट्विटमध्ये एक पत्रही लिहिलं असून ते आयसीएआयच्या आबू-धाबीमधील शाखेच्या सदस्यांनी लिहिलं आहे. या पत्रामध्ये चौधरी यांना वक्ता म्हणून बोलवण्यावर आक्षेप घेण्यात आलाय. चौधरी हे प्रसिद्धी टीव्ही अँकर असले तरी त्यांच्याविरोधात खंडणी मागण्यापासून ते अनेक प्रकारच्या गुन्ह्यांची नोंद असल्याचा उल्लेख पत्रात आहे.

virat kohli
विराट कोहलीची विश्वचषकातून माघार? तातडीने मुंबईला रवाना झाल्याने चर्चांना उधाण
asim sarode on rahul narvekar (1)
“अध्यक्षांनी अपात्रतेबाबत चुकीचा निर्णय दिला, तर…”, कायदेतज्ज्ञ असीम सरोदेंचं मोठं वक्तव्य
Sharad Pawar NCP
“ते सहसा माझ्या शब्दाला नकार देत नाहीत”; शरद पवारांच्या वक्तव्याची जोरदार चर्चा, म्हणाले…
उपमुख्यमंत्र्यांच्या पत्नीने कोणते कपडे घालावेत, हे ठरवणारे तुम्ही कोण?

अन्य एका ट्विटमध्ये त्यांनी युएईमध्ये कोणत्याही धर्म किंवा वंशाला द्वेषपूर्ण भाषणाच्या माध्यमातून लक्ष्य करणे कायद्याने गुन्हा असल्याची माहिती दिली.

राजकुमारी हेंड बिंत फैसल अल कासिम यांनी एका टीव्ही कार्यक्रमामधील चर्चेदरम्यान ‘इस्लामबद्दल भिती निर्माण करण्याच्या मानसिकतेला पाठिंबा देणाऱ्या वृत्तवाहिनीचे न्यूज अँकर सुधीर चौधरी’ यांना दुबईमधील कार्यक्रमात आमंत्रित करण्याबद्दल नाराजी व्यक्त केली होती. यासारख्या लोकांमुळे भारतामध्ये मुस्लीमांवर अन्याय होत आहेत. असं असताना आपण आपल्या देशामध्ये यांना आमंत्रित करावं का असा प्रश्नही राजकुमारींनी यापूर्वी ट्विटरवरुन या कार्यक्रमाच्या जाहिरातीचं कात्रण शेअर करत विचारला होता.

राजकुमारींनी आयोजकांबरोबरच इंडियन चार्टर्ड अकाऊंट्स  इन्स्टिटयूटवर टीका केली होती. चौधरी यांचा उल्लेख एक ‘दहशतवादी’ असा करत राजकुमारींनी हा वादग्रस्त अँकर अनेकदा इस्लाम आणि इस्लामच्या अनुयायांची बदनामी करतो, अशी आठवण आयोजकांना करुन दिलेली.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sudhir chaudhary dropped from abu dhabi event uae princess says terrorist scsg

संबंधित बातम्या

तुम्ही या बातम्या वाचल्या आहेत का? ×