Adani-Hindenburg Report: दोन महिन्यांमध्ये चौकशी पूर्ण करण्याचा सुप्रीम कोर्टाचा सेबीला आदेश

चौकशीसाठी सहा सदस्यांची समिती स्थापन

सर्वोच्च न्यायालयाने या प्रकरणाची चौकशी करण्यासाठी सहा सदस्यांची समिती स्थापन करण्याचे निर्देश दिले आहेत. ही समिती अदाणी समूह आणि हिंडेनबर्ग प्रकरणाची चौकशी करुन अहवाल तयार करेल. निवृत्त न्यायाधीश अभय सप्रे हे या समितीचे अध्यक्ष असतील. तर त्यांच्यासोबत ओपी भट्ट, न्यायमूर्ती जेपी देवधर, के. व्ही. कामत, नंदन नीलकेनी आणि सोमशेखर सुंदरेशन हे देखील असतील.

सत्याचा विजय होईल – गौतम अदाणी

सर्वोच्च न्यायालयाच्या निर्णयानंतर गौतम अदाणी ट्विट करत आपली प्रतिक्रिया दिली आहे. ते म्हणाले, “अदाणी समूह माननीय सर्वोच्च न्यायालच्याच्या आदेशाचे स्वागत करत आहे. आता एका निश्चित वेळेत या प्रकरणातील सर्व बाबी उघड होती. सत्याचा विजय होईल.” २४ जानेवारी रोजी जेव्हा हिंडेनबर्गचा अहवाल जाहीर झाला तेव्हापासून अदाणी समूहाला अनेक धक्के बसले. शेअर मार्केटमधील अदाणींच्या कंपन्यांच्या शेअरच्या किंमती कोसळल्या. त्याशिवाय त्यांचे अनेक आंतरराष्ट्रीय करार देखील रद्द झाले.