scorecardresearch

Premium

Chandrayaan 3 Update : लोभस आणि सुंदर! चंद्राच्या कक्षेत पोहचल्यानंतर चांद्रयानाने पाठवला पहिला फोटो

Chandrayaan 3 Moon Mission Latest Update: ISRO ने चांद्रयान ३ ने टिपलेला एक छोटासा व्हिडीओच शेअर केला आहे.

Chandrayaan-3 Captures First Images Of The Moon
चांद्रयान-३ चंद्राचा पहिला फोटो (फोटो सौजन्य-ISRO, ट्विटर अकाऊंट)

Chandrayaan-3 Captures First Images Of The Moon : भारतीय अंतराळ संशोधन संस्थेने (ISRO) चांद्रयान ३ या तिसऱ्या मानवविरहीत चांद्रयानाने घेतलेला चंद्राचा पहिला फोटो जारी केला आहे. चांद्रयान ३ हे शनिवारी चंद्राच्या कक्षेत पोहचलं. त्यानंतर आता इस्रोने चंद्राचा पहिला फोटो आणि एक छोटासा व्हिडीओ पोस्ट केला आहे. आता अपेक्षा अशी आहे की चांद्रयान ३ या महिन्याच्या २३ तारखेपर्यंत चंद्राच्या पृष्ठभागावर सॉफ्ट लँडिंग करेल.

शनिवारी म्हणजेच ५ ऑगस्टच्या दिवशी चांद्रयान ३ ने चंद्राच्या कक्षेत यशस्वीरित्या प्रवेश केला. पृथ्वीपासून तीन लाख किलोमीटरचा प्रवास केल्यानंतर यानाला चंद्राच्या स्थिर कक्षेत आणलं आहे. १४ जुलै २०२३ रोजी सतीश धवन स्पेस सेंटरमधून LVM-3 रॉकेटच्या साह्याने चांद्रयान-3चं प्रक्षेपण झालं होतं. आता या यानाने पृथ्वी आणि चंद्रामधील अंतराळातील तीन लाख किलोमीटर अंतर व्यापलं आहे. या यानाने १ ऑगस्ट रोजी पृथ्वीभोवती आपली प्रदक्षिणा पूर्ण केली होती आणि चंद्राच्या दिशेने आपला ट्रान्स-लूनर प्रवास सुरू केला होता.

Nava Gadi Nava Rajya
Video: “काय मूर्खपणा आहे…,” ‘नवा गडी नवं राज्य’च्या ट्रॅकला वैतागले प्रेक्षक, म्हणाले, “भारत चंद्रावर पोहोचलाय आणि यांनी…”
sky-force-akshay-kumar
Sky Force Promo: गांधी-शास्त्री यांच्या जयंतीनिमित्त अक्षय कुमारची मोठी घोषणा; भारताच्या पहिल्या हवाई हल्ल्यामागील गोष्ट उलगडणार
actor Karan Kundrra new house
Video: करण कुंद्राने नव्या घरात केला गृहप्रवेश; पाहा मुंबईच्या समुद्र किनाऱ्यालगत असलेल्या घराची पहिली झलक
farmer died tiger attack chandrapur
चंद्रपूर: वाघाच्या हल्ल्यात शेतकरी ठार

१ ऑगस्ट रोजी रात्री १२ वाजण्याच्या सुमारास चांद्रयान-3 पृथ्वीच्या कक्षेतून चंद्राच्या दिशेने पाठवण्यात आले. याला ट्रान्सलुनर इंजेक्शन म्हणतात. यापूर्वी, चांद्रयान अशा लंबवर्तुळाकार कक्षेत फिरत होते. २३ ऑगस्ट रोजी चंद्रावर उतरेल.

हे पण वाचा- चांद्रयान ३ चंद्राच्या आणखी जवळ पोहचलं, ९ ऑगस्टला पुढील कक्षेत प्रवेश करणार

चांद्रयान-३ मध्ये लँडर, रोव्हर आणि प्रोपल्शन मॉड्यूल आहे. लँडर आणि रोव्हर चंद्राच्या दक्षिण ध्रुवावर उतरतील आणि तेथे १४ दिवस प्रयोग करतील. प्रोपल्शन मॉड्यूल चंद्राच्या कक्षेत राहून पृथ्वीवरून येणाऱ्या रेडिएशनचा अभ्यास करेल. या मोहिमेद्वारे इस्रो चंद्राच्या पृष्ठभागावर भूकंप कसे होतात हे शोधून काढणार आहे. चंद्राच्या मातीचाही अभ्यास करणार आहे.

हे पण वाचा- अवकाशाशी जडले नाते : चांद्रमोहिमांचे नवे पर्व

५ ऑगस्टच्या दिवशी चांद्रयान-३ ने चंद्राच्या कक्षेत यशस्वी प्रवेश केला आहे. हे यान चंद्रावर उतरवण्यापासून भारत आता केवळ एक पाऊल दूर आहे. ही मोहीम यशस्वी झाल्यास भारत हा चंद्राच्या पृष्ठभागावर अवकाशयान उतरवणारा अमेरिका, चीन आणि रशियानंतरचा जगातील चौथा देश बनणार आहे. हा ऐतिहासिक विक्रम बनवण्यापासून भारत अवघं एक पाऊल दूर आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: The moon as viewed by chandrayaan3 spacecraft during lunar orbit insertion video by isro scj

First published on: 07-08-2023 at 07:45 IST

संबंधित बातम्या

मराठी कथा ×