बॉलिवूड अभिनेता कुशल पंजाबीचं निधन झालं आहे. लक्ष्य, अंदाज, सलाम-ए-इश्क सारख्या चित्रपटांमध्ये काम केलेल्या कुशल पंजाबीच्या निधनाच्या बातमीने सर्वांनाच धक्का बसला आहे. कुशल पंजाबीच्या मृत्यूचं नेमकं कारण अद्याप समोर आलेलं नाही. यासंबंधी कोणताही अधिकृत खुलासा करण्यात आलेला नाही. मात्र स्पॉटबॉय-ईने दिलेल्या वृत्तानुसार कुशल पंजाबीने गळफास लावून आत्महत्या केली आहे. अभिनेता करणवीर बोहराने त्याच्या इन्स्टाग्राम पोस्टद्वारे कुशलचे निधन झाल्याची माहिती दिली आहे. कुशल आणि करणवीर अत्यंत जवळचे आणि जीवलग मित्र होते. करणवीर बोहराने त्याच्या इन्स्टाग्राम अकाऊंटवर कुशल पंजाबीचा फोटो पोस्ट केला आहे. तो फोटो पोस्ट करत 'तुझ्या निधनाची बातमी ऐकताच मला धक्का बसला आहे. माझा अजूनही विश्वास बसत नाही. मला माहित आहे तू जिथे कुठे आहेस तिथे खूश आहेस. तू ज्याप्रकारे तुझे आयुष्य जगत होतास त्याने मला प्रेरणा मिळाली,' असे करणवीरने या पोस्टमध्ये लिहिले आहे. Ur demise has shocked the hell out of me.I'm still in denial @PunjabiKushal I know you are in a happier place,but this is unfathomable. You really inspired me with the way you saw life, but what was I to know. I will always remember u as a #dancingdaddy #fit & a #lifeenthusiast pic.twitter.com/qv31QMH8C8 — Karanvir Bohra कुशलने १९९५ मध्ये 'अ माउथफुल ऑफ स्काई' या मालिकेत काम करत अभिनयाच्या प्रवासाला सुरुवात केली. त्यानंतर त्याने 'लव मैरिज', 'सीआयडी', 'देखो मगर प्यार से', 'कभी हां कभी ना', 'ये दिल चाहे मोर', 'श्श्श. फिर कोई है', 'आसमान से आगे', 'झलक दिखला जा 7', 'अदालत', 'सजन रे झूठ मत बोलो' 'ईश्क मै मरजावा' अशा अनेक मालिकांमध्ये काम केले आहे. View this post on Instagram Ur demise has shocked the hell out of me.I'm still in denial @itsme_kushalpunjabi I know you are in a happier place, but this is unfathomable. The way you lead your life really inspired me in more ways than one..but what was I to know. Your zest for dancing, fitness, off-road biking, fatherhood and above all that, that smiling face of yours, your happy-go-lucky nature your warmth all that was such ingenuity. I'm gonna miss you so much #kushlani You will always be rememberd sad a guy who lived a full life. #dancingdaddy #fit #lifeenthusiast #biker #smilingface #onelifeliveitright #restinpeace #omnamoshivaya A post shared by Karanvir Bohra (@karanvirbohra) on Dec 26, 2019 at 1:52pm PST कुशलने चित्रपटांमध्ये देखील सहाय्यक कलाकार म्हणून काम केले आहे. त्याने अक्षय कुमारसोबत 'अंदाज', अजय देवगणसोबत 'काल' आणि सलमान सोबत 'सलाम-ए-इश्क' आणि 'दन दना दन गोल' या चित्रपटांमध्ये काम केले आहे. कुलशने यूरोपियन मुलीशी लग्न केले होते. २०१६ मध्ये त्याला एक मुलगा झाला. कुशलने त्याच्या करिअरची सुरुवात एक मॉडेल म्हणून केली होती.