un chief on russia ukraine war warns putin volodimir zelensky stop attack peace | Russia-Ukraine War : "झालं ते खूप झालं, आता...", संयुक्त राष्ट्राच्या अध्यक्षांनी मांडली कठोर भूमिका!

रशियाने युक्रेनमध्ये हल्ला चढवून आता ६ दिवस उलटले आहेत. या पार्श्वभूमीवर संयुक्त राष्ट्रांकडून कठोर भूमिका घेण्यात आली आहे.

संयुक्त राष्ट्रांनी घेतली कठोर भूमिका!

रशिया आणि युक्रेन यांच्यामध्ये सुरू असलेलं युद्ध अद्याप थाबायचं नाव घेत नाहीये. रशियन फौजा युक्रेनमध्ये शिरून हल्ले करत असताना जागतिक पातळीवर या युद्धाबाबत नेमकी कोणती भूमिका घेतली जाते, याविषयी मोठी चर्चा सुरू आहे. काही देशांनी युक्रेनला थेट पाठिंबा दिला आहे तर काही देशांनी याबाबत तटस्थ भूमिका ठेवली आहे. संयुक्त राष्ट्रात युक्रेनच्या बाजून झालेल्या मतदानामध्ये भारत अनुपस्थित राहिला होता. मात्र, आता खुद्द संयुक्त राष्ट्रांनीच “झालं ते पुरे झालं” असं म्हणत या संपूर्ण प्रकरणावर कठोर शब्दांत भूमिका मांडली आहे.

संयुक्त राष्ट्रांनी रशिया-युक्रेन युद्धाच्या पार्श्वभूमीवर सोमवारी तातडीची बैठक बोलावली होती. संयुक्त राष्ट्राच्या इतिहासात फक्त ११व्यांदा अशी बैठक बोलावण्यात आली होती. यावेळी संयुक्त राष्ट्राचे अध्यक्ष अँटोनियो गुटेरेस यांनी बैठकीच्या सुरुवातीलाच आपली भूमिका स्पष्ट केली.

“झालं ते पुरे झालं. आता युक्रेनमध्ये सुरू असलेलं युद्ध थांबलंच पाहिजे”, असं अँटोनियो गुटेरेस म्हणाले आहेत. “आता सैनिकांनी पुन्हा त्यांच्या बरॅक्समध्ये परतायला हवं. नेत्यांनी शांतता ठेवायला हवी. सामान्य नागरिकांचं रक्षण व्हायलाच हवं”, असं ते म्हणाले.

Soldiers need to move back to their barracks. Leaders need to move to peace. Civilians must be protected.

The sovereignty, independence and territorial integrity of Ukraine, within its internationally recognized borders, must be respected. pic.twitter.com/3OGoiAqSnR
— António Guterres (@antonioguterres) February 28, 2022

अण्वस्त्र युद्धाचा धोका?

दरम्यान, रशियाचे अध्यक्ष पुतीन यांनी रशियाच्या न्यूक्लीअर फोर्सला सज्ज राहाण्याचे आदेश दिल्याचं वृत्त समोर आलं होतं. या पार्श्वभूमीवर गुटेरेस यांनी भूमिका मांडली आहे. “अण्वस्त्रांच्या वापराचं कोणत्याही पद्धतीने समर्थन होऊ शकत नाही. सध्या फक्त बंदुका बोलत आहेत. पण चर्चेचा मार्ग कायम खुला राहायला हवा”, असं देखील ते म्हणाले.

Russia Ukraine War Live: NATO प्रमुखांनी जो बायडनसह विविध देशांच्या प्रमुखांना केला फोन

२४ फेब्रुवारी रोजी रशियानं युक्रेनमध्ये हल्ला सुरू केला. आज युद्धाचा सहावा दिवस असून अजूनही रशियानं हल्ला मागे घेण्याचा कोणताही निर्णय घेतलेला नाही. दुसरीकडे युक्रेनचे राष्ट्राध्यक्ष वोलोडिमीर झेलेन्स्की यांनी आपल्या फौजांसह युक्रेनमध्येच राहून रशियन सैन्याचा प्रतिकार करण्याचा ठाम निर्धार केल्यामुळे आता युद्ध शिगेला पोहोचलं आहे. रशियन फौजा युक्रेनची राजधानी कीवपर्यंत धडकल्या आहेत. कीवमधील अनेक ठिकाणी रॉकेट्सने देखील हल्ले केले जात आहेत.

First published on: 01-03-2022 at 10:27 IST

TOPICSअटॅक Attack युक्रेन संघर्ष Ukraine Crisis रशिया Russia

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Un chief on russia ukraine war warns putin volodimir zelensky stop attack peace pmw

Russia-Ukraine War : “झालं ते खूप झालं, आता…”, संयुक्त राष्ट्राच्या अध्यक्षांनी मांडली कठोर भूमिका!

अण्वस्त्र युद्धाचा धोका?