“कोण राहुल गांधी? मी त्यांना ओळखत नाही”; असदुद्दीन ओवेसींचा निशाणा

दोन-तीन वर्षांतच काँग्रेस फुटेल, असंही ते म्हणाले आहेत.

ऑल इंडिया मजलिस-ए-इत्तेहादुल-मुस्लिमीन (एआयएमआयएम) नेते असदुद्दीन ओवेसी यांनी शुक्रवारी काँग्रेस आणि त्यांचे नेते राहुल गांधी यांच्यावर जोरदार निशाणा साधला आणि जाहीर केले की, आगामी काळात पक्ष फुटेल. अजेंडा आजतकच्या चर्चेत भाग घेत ओवेसी यांनी भारतीय जनता पक्षाच्या सुधांशू त्रिवेदी यांच्याशी लढा दिला आणि त्यांच्या विरोधात लढण्याच्या नावाखाली भाजप किंवा काँग्रेसला दुसरे सारंगी कोण वाजवत आहे, असं म्हणत त्यांनी टीका केली.

पश्चिम बंगालच्या मुख्यमंत्री ममता बॅनर्जी यांच्या तृणमूल काँग्रेसचा एकाचवेळी अनेक राज्यांमध्ये विस्तार करण्याच्या प्रयत्नांचा संदर्भ देत ओवेसी म्हणाले, “त्यांनी इतर राज्यांमध्ये लढत रहावे, आणि काँग्रेससोबत राहिल्याने मी तुम्हाला सांगत आहे की काँग्रेस दोन तीन वर्षांमध्ये फुटेल.”

“कोण आहेत राहुल गांधी? मी ओळखत नाही. तो कोण आहे हे तुम्हाला माहीत असेल तर मला सांगा,” ओवेसी म्हणाले.

ताज्या बातम्यांसाठी येथे क्लिक करा.

“आम्हाला प्रत्येक पक्षाची बी-टीम म्हणून ओळखले जाते. जर तुम्ही राहुल गांधींना इथे बोलावले तर ते भाजपासारखीच भाषा बोलतील आणि तशीच भाषा अखिलेश यादवही बोलतील,” ते म्हणाले.

ओवेसी म्हणाले, “आता ममता बॅनर्जी यांना बी-टीम बनवण्यात आले आहे, मी यावर आक्षेप घेतला आहे. बी-टीम असणे हा माझा टॅग आहे. पण आता काँग्रेस त्यांना भाजपाची बी-टीम म्हणत आहे. गोव्यात त्यांचा कसा सामना होईल हे पाहणे मनोरंजक ठरेल.”

ओवेसींना विरोध करताना त्रिवेदी म्हणाले, “एआयएमआयएम सारखे पक्ष आणि ओवेसीसारखे नेते काँग्रेसने केरळमधून उभे केले, जिथे त्यांनी मुस्लिम लीगशी युती केली, बंगालमध्ये जिथे त्यांनी अब्बास पीरजादा यांच्या पक्षाशी युती केली आणि आसाममध्ये जिथे बद्रुद्दीन अजमलच्या पक्षाशी काँग्रेसने युती केली”.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Who is rahul gandhi i dont know him asaduddin owaisi vsk

ताज्या बातम्या