राज्य ‘निरोगी’ ठेवण्याचे धडे गिरवण्यासाठीच योगींना केरळमध्ये निमंत्रण, डाव्यांचा टोला

#KeralaLeads – BJP Leaders need to learn from the #KeralaModel & discard #JumlaEconomics, #RSSLies to improve the lives of people! pic.twitter.com/o4tqeE98Fr
— CPI (M) (@cpimspeak) October 4, 2017

सीपीआय (एम) च्या अधिकृत ट्विटर हँडलवर या आशयाचे ट्विट करण्यात आले आहे. एवढेच नाही तर पक्षाचे महासचिव आणि राज्यसभेचे माजी खासदार सीताराम येचुरी यांनी हे ट्विट रिट्विटही केले. योगी आदित्यनाथ आणि भाजपचे इतर मुख्यमंत्री यांनी केरळ सरकारकडून सत्ता कशी चालवायची याचे धडे घ्यावेत, असा तिखट शब्दांतील टोलाही त्यांनी लगावला.

केरळने भाजपला कायम नाकारले आहे. कारण कोणाला सत्तेत ठेवायचे हे या जनतेला कळते, आमच्याकडून काहीतरी शिका असे म्हणत त्यांनी योगी आदित्यनाथ आणि भाजपवर टीका केली. केरळमध्ये सुरू असलेल्या राजकीय हिंसेकडे लोकांचे लक्ष वेधले जावे, यासाठी भाजपने ‘जनरक्षा यात्रा’ आयोजित केली आहे. लोकशाहीत हिंसेला स्थान नाही तरीही केरळमध्ये हत्यांचे सत्र सुरूच आहे. याचाच निषेध म्हणून भाजपने ही यात्रा काढली. या यात्रेत बुधवारीच योगी आदित्यनाथही दाखल झाले. अशातच त्यांच्यावर टीका करत डाव्यांकडून हे ट्विट करण्यात आले.

भाजपचे राष्ट्रीय अध्यक्ष अमित शहा यांनी केरळचे मुख्यमंत्री पिनरायी विजयन यांच्या धोरणांवर टीका केली.
केरळमध्ये हिंसेच्या घटना वाढताहेत, भाजपचे कार्यकर्ते असोत किंवा डाव्या पक्षाचे कार्यकर्ते त्यांच्या रक्ताचे पाट वाहणे आणि केरळच्या मुख्यमंत्र्यांनी त्यावर शांत बसणे कितपत योग्य आहे? मारल्या जाणाऱ्या कार्यकर्त्यांच्या कुटुंबाचे काय होत असेल? याचा विचार तरी मुख्यमंत्र्यांनी केला आहे का? असाही प्रश्न अमित शहा यांनी उपस्थित केला.

तर हे सगळे आरोप खोडून काढत डाव्यांनी भाजपवर टीका केली. भाजपला सत्ता काबीज करायची आहे म्हणून आरोप केले जात आहेत हे चांगल्या राजकारणाचे लक्षण नाही, असे सीपीएमचे महासचिव कोडियेरी बालकृष्णन यांनी सांगितले.