मिथून चक्रवर्ती ते कियारा अडवाणी, बॉलीवूडमधील ‘या’ लोकप्रिय कलाकरांची खरी नावे माहित आहेत का?

बॉलीवूडमधील ‘या’ लोकप्रिय कलाकरांची खरी नावे माहित आहेत का?

‘मुगल ए आजम’, ‘दुनिया’, ‘राम और श्याम’, ‘सौदागर’, ‘विधाता’, ‘गंगा जमुना’, ‘देवदास’, ‘आदमी, ‘कर्मा’, अशा चित्रपटांतून प्रेक्षकांच्या मनावर राज्य करणारे दिग्गज अभिनेते म्हणजे दिलीप कुमार. दिलीप कुमार यांचे खरे नाव युसुफ खान असे होते. मीना कुमारी यांनी अनेक चित्रपटांतून प्रेक्षकांचे मनोरंजन केले आहे. त्यांचे खरे नाव महजबीन बानो असे होते.

नर्गिस यांचे खरे नाव फातिमा राशिद असे आहे. आपल्या चित्रपटांसह सौंदर्यासाठी प्रसिद्ध असणारी अभिनेत्री मधुबाला यांचे खरे नाव मुमताज जहान असे होते.थलाइवा म्हणून प्रसिद्ध असणारे, सुपरस्टार रजनीकांत यांचे नाव शिवाजीराव गायकवाड असे होते. दिग्गज अभिनेते संजीव कुमार यांचे नाव हरिलाल जरीवाला असे होते. तर राजेश खन्ना यांनी जतीन हे स्वत:चे नाव बदलले होते.

‘डिस्को डान्सर’, ‘फूल और अंगार’, ‘डान्स डान्स’, ‘मर्द’, ‘शेरा’, ‘ओह माय गॉड’ अशा अनेक प्रसिद्ध चित्रपटांसाठी ओळखले जाणारे मिथून चक्रवर्ती यांचे नाव आधी गौरांग असे होते.

सैफ अली खानचे खरे नाव साजीद अली खान असे आहे. कियार अडवाणीचे खरे नाव आलिया अडवाणी असे होते. तिने सलमान खानने दिलेल्या सल्ल्यानुसार तिचे नाव बदलल्याचे म्हटले आहे.आयुषमान खुरानाचा जन्म झाला होता, त्यावेळी त्याचा नाव निशांत खुराना असे होते. शिल्पा शेट्टीचे खरे नाव हे अश्विनी शेट्टी असे होते. मात्र तिच्या आईने सुनंदा शेट्टी यांनी तिचे नाव बदलून शिल्पा असे ठेवले. अक्षय कुमारचे नाव राजीव हरि ओम भाटिया असे ठेवले होते. अजय देवगणचे नाव आधी विशाल देवगण असे होते.

हेही वाचा: “मला त्याच वेळेला ऑस्कर…”, निळू फुलेंची आठवण सांगत प्रसाद ओक म्हणाला, “त्यांनी मला फोन केला आणि…”

दरम्यान, अनेकविध कारणांमुळे या कलाकारांची खरी नावे समोर आली आहेत. हे कलाकार कोणत्या ना कोणत्या कारणाने सातत्याने चर्चेत असतात.