ट्रेन तिकीटावर लिहिलेलं ‘CURR_AVBL’ म्हणजे काय? ‘हा’ कोड कन्फर्म बर्थसह ‘असे’ वाचवतो तुमचे पैसे

तुम्ही जर तुमच्या ट्रेनचा तिकीट नीट पाहिलंत तर त्यात काही वेळा CURR_AVBL असे लिहिलेले आढळून येते. रेल्वेतर्फे कन्फर्म तिकिटांची यादी ही प्रवास सुरु होण्याच्या चार तास आधी बनवली जाते. त्यात काही बर्थ या रिकाम्याच असतात ज्या अगदी शेवटच्या क्षणी काही पॅसेंजरसाठी दिल्या जातात. CURR AVBL असे लिहिलेल्या तिकिटाचा अर्थ हाच होतो की, आरक्षित तिकिटांची अंतिम यादी तयार झाल्यावर उपलब्ध असणाऱ्या जागांसाठी तिकीट. तुम्ही प्रवास सुरु होण्याच्या निदान अर्धा तास आधी नियमित दरांमध्ये या तिकीट कन्फर्म करून घेऊ शकता.

IRCTC मध्ये curr_avbl तिकीट बुकिंगसाठी मार्गदर्शक तत्त्वे

• आयआरसीटीसी किंवा रेल्वे आरक्षण काउंटरवर curr avbl बुकिंग ऑनलाइन केले जाऊ शकते.
• या कोट्याअंतर्गत फक्त कन्फर्म तिकिटेच बुक केली जातील आणि बुक केलेली तिकिटे रद्द करता येणार नाहीत.
• ज्येष्ठ नागरिक आणि अपंग सवलत वगळता कोणतीही सवलत दिली जाणार नाही.
• सर्व वापरकर्त्यांना तसेच एजंटना बुकिंग करण्याची परवानगी आहे
• फक्त ई-तिकीट बुकिंगला परवानगी आहे.

हे ही वाचा<< भारतीय रेल्वेच्या ‘या’ स्थानकात रोज प्रवासी तिकीट काढतात पण प्रवास करतच नाहीत! कारण वाचून म्हणाल, “किती हुश्शार”

तुम्हाला ही माहिती उपयुक्त वाटली असल्यास इतरांसह शेअर करायला विसरू नका!