Pan Card साठी अर्ज करताना अजिबात करु नका ‘या’ चुका

अनेकजण फॉर्म 49A भरताना चुका करतात आणि तुमचा अर्ज थेट रद्द होतो

(सांकेतिक छायाचित्र)

जर तुमच्याकडे अद्यापही पर्मनन्ट अकाऊंट नंबर अर्थात पॅन कार्ड नसेल आणि त्यासाठी तुम्ही अर्ज करत असाल तर काही सोप्या सूचनांचं पालन करण्याची आवश्यकता आहे. सर्वप्रथम प्राप्तिकर विभागाच्या http://www.incometaxindia.gov या संकेतस्थळावर जा. तेथे पॅन कार्डसाठी फॉर्म 49A भरावा लागतो. भारताबाहेर राहणाऱ्यांसाठीही हिच प्रक्रिया आहे. पण, अनेकजण फॉर्म 49A भरताना चुका करतात आणि त्यामुळे पॅन कार्डसाठी तुम्ही केलेला अर्ज रद्द होऊ शकतो. त्यामुळे पॅन कार्डसाठी अर्ज करताना काही गोष्टींची काळजी घेणं आवश्यक आहे.

-हा फॉर्म भरताना तुमची स्वाक्षरी चौकटीच्या बाहेर जाणार नाही याची काळजी घ्या.

-अर्ज भरताना अर्जदाराच्या नावावर नसलेलं ओळखपत्र किंवा घराचा पत्ता लिहू नये.

-सहीसाठी दिलेल्या चौकटीत तारीख, पद, रँक यांसारखी अनावश्यक माहिती देऊ नका.

-वडिलांचं नाव लिहिण्याच्या ठिकाणी पती किंवा पत्नीचं नाव लिहू नका

-आपण नाव आणि आद्याक्षरांचा संक्षेप वापर टाळावा.

-जर तुमच्याकडे आधी एक पॅन कार्ड असेल तर दुसऱ्यासाठी अजिबात अर्ज करू नका. दोन पॅन कार्ड बाळगणं गुन्हा आहे.

-फॉर्म 49A मध्ये पत्ता लिहिताना पिन कोड चुकीचा लिहू नका. पिन कोडसोबतच फोन नंबर किंवा ई-मेल आयडी अचूक लिहावे.

-फॉर्म 49A भरताना खाडाखोड करु नये

-फॉर्मवर तुमचा फोटो चिकटवलेला चालेल पण त्यासाठी पिन किंवा स्टेपलरचा वापर करु नका

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: You applying for pan card through form 49a do not make these mistakes sas

ताज्या बातम्या