सातारा लोकसभा मतदारसंघात महायुतीचे उमेदवार उदयनराजे भोसले आणि राष्ट्रवादी काँग्रेस शरद पवार गटाचे नेते शशिकांत शिंदे यांच्यात सामना रंगला आहे. आज महायुतीचे उमेदवार उदयनराजे भोसले यांच्या प्रचारासाठी उपमुख्यमंत्री अजित पवार यांची वाई येथे जाहीर सभा पार पडली. या सभेत बोलताना उदयनराजे भोसले यांनी महाविकास आघाडीचे उमेदवार शशिकांत शिंदे यांच्यावर हल्लाबोल केला. तसेच नवी मुंबई एपीएमसी फळ मार्केट शौचालय टेंडर घोटाळ्याप्रकरणी शशिकांत शिंदे यांच्यावर गुन्हा दाखल झाला होता. यावरून उदयनराजे भोसले यांनी खोचक शब्दात टीका केली.

उदयनराजे भोसले काय म्हणाले?

“विकास कामे करण्साठी स्थिर सरकारची आवश्यकता असते. ज्यावेळी अस्थिर सरकार असते, त्यावेळी पाच वर्षाच्या विकासाची योजना कधीही पूर्णत्वास जात नाही. अनेकांनी महायुतीवर टीका केली. पण मुख्यमंत्री एकनाथ शिंदे आणि उपमुख्यमंत्री अजित पवार यांनी वेगळा मार्ग स्वीकारला कारण विकासाची कामे होत नव्हती. जेव्हा अस्थिर सरकार असते तेव्हा अशी परिस्थिती असते. मात्र, जबाबदार लोकप्रतिनिधी म्हणून एकनाथ शिंदे आणि अजित पवार यांनी जे पाऊल उचलले ते योग्य होते”, असे उदयनराजे भोसले म्हणाले.

eknath Khadse visits amit Shah in Delhi
एकनाथ खडसे दिल्लीत शहांच्या भेटीला
Hemant Savara, Palghar,
ओळख नवीन खासदारांची : डॉ. हेमंत सावरा (पालघर – भाजप) ; वडिलांची पुण्याई
mahayuti candidate sunil mendhe defeat analysis by mla narendra bhondekar
सुनील मेंढेंच्या पराभवास पालकमंत्र्यांची निष्क्रियताही कारणीभूत… आ.भोंडेकर यांचा घणाघात….
Dr Srikant Shinde as group leader of Shiv Sena
डॉ. श्रीकांत शिंदे शिवसेनेच्या गटनेतेपदी
bjp leader jagannath patil marathi news
मुरबाडचे भाजप आमदार किसन कथोरे यांची भाजपमधून हकालपट्टी करा, भाजप नेते जगन्नाथ पाटील यांची प्रदेशाध्यक्षांकडे मागणी
Vijay Wadettivar on Eknath Shinde drought
“मुख्यमंत्र्यांच्या गुरांना हिरवा चारा आणि शेतकऱ्यांच्या गुरांना…”, एकनाथ शिंदेंचा व्हिडीओ शेअर करत वडेट्टीवारांची टीका
Bruno dog, MLA PN Patil,
आमदार पी. एन. पाटील यांच्या पाठोपाठ लाडका ब्रुनो श्वान अंतरला; कुत्र्याची अनोखी स्वामीनिष्ठा
narendra modi
वीर सावरकर यांच्या जयंतीनिमित्त पंतप्रधान मोदींकडून अभिवादन; म्हणाले, “त्याग, शौर्य आणि अन्…”

हेही वाचा : “शिवसेनेतील बंडाची माहिती अजित पवारांनाही होती, पण…”, शिंदे गटातील नेत्याचा मोठा दावा

काँग्रेसच्या काळात आपण ज्यांना मतदान दिले, त्यांनी काहीही काम केले नाही. आता महाविकास आघाडीचे नेते लोकांसमोर जात असताना त्यांना त्यांच्या पंतप्रधान पदाबाबतही एकमत होत नसल्याची परिस्थिती आहे. इंडिया आघाडीकडे कोणत्याही प्रकारचे नियोजन नाही. ज्यावेळी कोणतेही नियोजन नसते, त्यावेळी देशाची प्रगती नाही तर अधोगती होते”, अशी टीका उदयनराजे भोसले यांनी आघाडीच्या नेत्यांवर केली.

उदयनराजे भोसले पुढे म्हणाले, “आपल्या देशातील ८० टक्के लोकांचा उदरनिर्वाह शेतीवर आहे. महायुचीच्या सरकारने साखर कारखान्यांवरील टॅक्स रद्द केला. मात्र, आघाडीच्या सरकारची इच्छाशक्ती नव्हती. पण एकनाथ शिंदे आणि अजित पवार महायुतीमध्ये आल्यानंतर त्यांनी अमित शाह यांची भेट घेऊन एक चांगला निर्णय घेतला. त्यामुळे महायुतीचे सरकार विकासाच्या दृष्टीने पुढे जात आहे. काँग्रेसच्या काळात जय जवान, जय किसान अशा घोषणा देण्यात आल्या. मात्र, गरीबांसाठी काहीही झाले नाही”, अशी टीका त्यांनी केली.

शशिकांत शिंदे यांच्यावर हल्लाबोल

महाविकास आघाडीचे उमेदवार शशिकांत शिंदे यांच्यावर एपीएमसी फळ मार्केट टेंडर घोटाळ्याप्रकरणी शशिकांत शिंदे यांच्यावर आरोप झाले. यावर बोलताना उदयनराजे भोसले यांनी खोचक शब्दात टीका केली. उदयनराजे भोसले म्हणाले, “चार हजार पेक्षा जास्त कोटींचा घोटाळा झाला. ज्या लोकांनी त्यांच्यावर विश्वास ठेवला, त्यांना खड्यात घालण्याचे काम त्यांनी केले. यानंतर त्यांनी ७ तारखेपर्यंत लोकांशी संवाद साधायचा आहे म्हणून न्यायालयात जामीन मागितला होता. मग तुम्ही काही केले नसेल तर तुमचं मन का खातं होतं? मग न्यायालयात जायचं नव्हत ना? एका बाजूला शिष्टाचार आणि दुसऱ्या बाजूला भ्रष्टाचार, एका मार्केट कमिटीवर एवढा मोठा भष्ट्राचार केला असेल तर समजा त्यांना खासदार बनवलं तर काही होणार नाही. तुम्ही तुमचे कपाटं आणि खिशालाही वेडिंग करून ठेवा, कारण त्यामध्येही ते काहीही शिल्लख ठेवणार नाहीत”, असा टोला उदयनराजे भोसले यांनी शशिकांत शिंदे यांना लगावला.