लोकसभा निवडणुकीच्या पहिल्या टप्प्यासाठी महाराष्ट्रात १९ एप्रिल रोजी मतदान पार पडलं. विदर्भातील पाच मतदारसंघांसाठी उमेदवारांचं भवितव्य ईव्हीएम मशीनमध्ये बंद झालं आहे. आता पुढचा टप्पा २६ एप्रिल रोजी परभणीसह बुलढाणा, अकोला, अमरावती, वर्धा, यवतमाळ-वाशिम, हिंगोली आणि नांदेड अशा ८ मतदारसंघांमध्ये होणार आहे. यापैकी नांदेड आणि परभणीत आज पंतप्रधान नरेंद्र मोदींच्या प्रचारसभा पार पडल्या. यावेळी परभणीतल्या सभेत मोदींच्या भाषणाआधी देवेंद्र फडणवीसांचं भाषण झालं. या भाषणात फडणवीसांनी महादेव जानकरांचं कौतुक करताना राज्याच्या तिजोरीच्या किल्ल्याच त्यांच्याकडे असल्याचं विधान केलं.

परभणीमध्ये महादेव जानकर यांना महायुतीकडून उमेदवारी देण्यात आली आहे. जानकरांच्या शिट्टी या चिन्हासोबतच परभणीतील बॅनर्सवर भाजपाचं कमळ दिसत होतं. या शिट्टीबाबत बोलताना फडणवीस म्हणाले, “महादेव जानकरांचं चिन्ह शिट्टी आहे. शिट्टीचं बटण दाबलं की मतदान मोदींना मिळतं”, असं फडणवीस यावेळी म्हणाले.

Narendra Modi
पंतप्रधान नरेंद्र मोदींचा राजकीय वारस कोण? स्वत:च उत्तर देत म्हणाले, “माझा उत्तराधिकारी…”
Kolhapur, Chandrababu Naidu,
कोल्हापूर : चंद्राबाबू नायडू सपत्निक महालक्ष्मीच्या चरणी, मोदींचे सरकार येण्याचा विश्वास
No place on platform for Modis meeting district head of Shinde group Arvind More resigns in Kalyan
मोदींच्या सभेसाठी व्यासपीठावर स्थान नाही, कल्याणमधील शिंदे गटाचे जिल्हाप्रमुख अरविंद मोरे यांचा राजीनामा
Eknath Shinde, Modi, Eknath Shinde latest news,
मुख्यमंत्री एकनाथ शिंदे म्हणाले, मोदी को हराना मुश्कीलही नही…
Devendra Fadnavis and Uddhav Thackeray
देवेंद्र फडणवीसांचा हल्लाबोल; म्हणाले, “मी काँग्रेसचा मतदार हे उद्धव ठाकरे म्हणाल्याचं ऐकून बाळासाहेबांच्या आत्म्याला..”
Rajwardhan Kadambande on Shahu Maharaj
“मी छत्रपती शाहूंच्या रक्ताचा वारसदार, कोल्हापूरकरांना माझे…”, राजवर्धन कदमबांडे काय म्हणाले?
Shivsena MP Sanjay Raut On PM Modi In Kolhapur
पंतप्रधान मोदींच्या कोल्हापूरच्या सभेवरून संजय राऊतांचा हल्लाबोल; म्हणाले, “शाहू महाराज छत्रपती यांचा…”
Shinde Senas struggle in BJPs stronghold washim cm Eknath Shindes bike rally in Washim today
भाजपच्या बालेकिल्यातच शिंदे सेनेची दमछाक, आज मुख्यमंत्री एकनाथ शिंदे यांची वाशीममध्ये बाईक रॅली

“…बनेगी तो परभणी!”

दरम्यान, यावेळी बोलताना देवेंद्र फडणवीसांनी परभणीबाबत बोलल्या जाणाऱ्या विधानांचा उल्लेख करत त्यात बदल केला. “आजपर्यंत आपण म्हणायचो, ‘जगात जर्मनी आणि भारतात परभणी’. पण पुढच्या पाच वर्षांत भारतच जर्मनीच्या पुढे चाललाय. काही लोक असंही म्हणतात की ‘बनी तो बनी, नहीं तो परभणी’. आता तसं चालणार नाही. ‘बनी तो बनी, अभीही बनी और बनेगी तो परभणी”, असं देवेंद्र फडणवीस म्हणाले.

महादेव जानकर महाराष्ट्राच्या तिजोरीची किल्ली?

यावेळी बोलताना देवेंद्र फडणवीसांनी महादेन जानकर हे महाराष्ट्राच्या तिजोरीची किल्ली असल्याचं विधान केलं. “महादेव जानकर म्हणजे महाराष्ट्राच्या खजान्याची किल्ली आहेत. कारण मुख्यमंत्री एकनाथ शिंदे, उपमुख्यमंत्री अजित पवार आणि मी जानकरांचा शब्द टाळूच शकत नाही. जानकरांना निवडून दिलं की महाराष्ट्राची किल्ली हातात आली”, असं देवेंद्र फडणवीस म्हणाले.

“फडणवीस म्हणाले होते, ते आदित्यला मुख्यमंत्रीपदासाठी तयार करतील आणि स्वत:…”, उद्धव ठाकरेंचा मोठा दावा!

दिल्लीच्या तिजोरीची किल्लीही जानकरांच्या हाती?

दरम्यान, यावेळी भविष्यात दिल्लीच्या तिजोरीच्या किल्ल्याही जानकरांच्या हाती असतील, असं फडणवीस म्हणाले. यावेळी खुद्द पंतप्रधान नरेंद्र मोदी व्यासपीठावर उपस्थित होते. “महादेव जानकर मोदींचा एवढा विश्वास कमावतील की दिल्लीची किल्लीही त्यांच्या हातात येईल. त्यामुळे परभणीला चिंता करायची आवश्यकता नाही. मागच्या खासदाराने फक्त बोलबच्चन दिले, पण विकास केला नाही”, असंही फडणवीस म्हणाले.