राष्ट्रवादी काँग्रेस पार्टीच्या अजित पवार गटातील आमदार सुनील शेळके यांनी लोकसभा निवडणुकीच्या तिसऱ्या टप्प्यातील मतदानाच्या पूर्वसंध्येला शरद पवारांवर (राज्यातील ज्येष्ठ नेते आणि राष्ट्रवादी काँग्रेस पार्टी शरदचंद्र पवार पक्षाचे अध्यक्ष) गंभीर आरोप केला आहे. मावळ विधानसभेचे आमदार सुनील शेळके म्हणाले, “अजित पवारांनी महायुतीबरोबर जायचं हे पक्षात (संयुक्त राष्ट्रवादी काँग्रेस पक्षात) अडीच महिने आधीच ठरलं होतं. शरद पवार आणि त्यांच्या कुटुंबातील इतर सदस्यांनी तशी चर्चा केली होती. याबाबत सुप्रिया सुळे यांना देखील कल्पना होती. शरद पवार या योजनेचा भाग होते. तसेच शरद पवारांनी पक्षाध्यक्ष पदाचा राजीनामा देणे हा त्याच योजनेचा भाग होता.” सुनील शेळके यांनी मतदानापूर्वी असा आरोप करणं आश्चर्यकारक मानलं जात आहे. यावर आता वेगवेगळ्या राजकीय प्रतिक्रिया समोर येऊ लागल्या आहेत. माजी मुख्यमंत्री आणि काँग्रेसचे वरिष्ठ नेते पृथ्वीराज चव्हाण यांनीदेखील यावर भाष्य केलं आहे.

कराड दक्षिण मतदारसंघाचे आमदार पृथ्वीराज चव्हाण म्हणाले, सुनील शेळके यांनी जे आरोप केलेत असे आरोप यापूर्वी देखील झाले आहेत. यात काहीच नवीन नाही. दोन्ही गटातील नेते सातत्याने एकमेकांवर आरोप प्रत्यारोप करत आहेत. मला असं वाटतं की हे आरोप प्रत्यारोप करण्यापेक्षा दोन्ही गटातील लोकांनी एक पुस्तक लिहावं. तारखांनिशी, योग्य क्रमवारीने सर्व घटना लिहून काढाव्या. कोणी, कुणाबरोबर, कधी बैठक घेतली, त्या बैठकीत काय घडलं, काय चर्चा झाली याचा लेखाजोखा मांडावा. जर कोणीतरी असं पुस्तक लिहिलं तर त्यावर चर्चा होईल.

NCP MLA Amol Mitkari criticizes Congress state president MLA Nana Patole
“नाना पटोलेंनी स्वतःला संत आणि कार्यकर्त्याला नोकर समजू नये”, राष्ट्रवादीचे आमदार अमोल मिटकरी यांची टीका; म्हणाले, “अतिशय संतापजनक…”
Mahavikas aghadi
‘पारिजात फुलला दारी, फुले का पडती शेजारी?’, काँग्रेसच्या यशावर उद्धव ठाकरेंची मार्मिक प्रतिक्रिया
Dattatray Bharane
आमदार दत्ता भरणेंना सायबर चोरट्यांचा गंडा; किस्सा सांगताना म्हणाले, “मी फसलो पण तुम्ही…”
Bhaskar Bhagare, dindori lok sabha seat, Sharad Pawar, Sharad Pawar's NCP, Bhaskar Bhagare Defeats BJP s Bharti Pawar, Limited Resources, money, teacher Bhaskar Bhagare, sattakaran article
ओळख नवीन खासदारांची : भास्कर भगरे, (दिंडोरी, राष्ट्रवादी शरद पवार गट) ; सामान्य शिक्षक
RSS Leader Indresh Kumar
“जे अहंकारी होते, त्यांना प्रभू रामाने २४० वर अडवलं”, संघाची भाजपावर खोचक टीका
bjp virus hit ajit pawar says mla rohit pawar
संघाच्या मुखपत्रातून भाजपावर केलेली टीका रोहित पवारांना अमान्य; पोस्ट शेअर करत म्हणाले, “संपूर्ण देशात…”
Nana Patole Sanjay Raut
‘मविआत काँग्रेस मोठा भाऊ’, पटोलेंच्या विधानावर राऊतांचं प्रत्युत्तर; म्हणाले, “कोणीही लहान आणि मोठं नाही, जो जिंकेल…”
Sunil Tatkare, Raigad Lok Sabha,
प्रवाहाच्या विरोधात जाण्याची परंपरा यंदाही रायगडमध्ये कायम

पृथ्वीराज चव्हाण म्हणाले, राहिला प्रश्न सुनील शेळके यांच्या आरोपाचा, तर हा काही निवडणुकीचा मुद्दा नाही. हा आरोप स्वतः अजित पवारांनी देखील अनेकदा त्यांच्या भाषणांमधून केला आहे. मला असं वाटतं की कितीदा तुम्ही लोक (अजित पवार गट) तेच तेच उगळत बसणार आहात? तुम्ही रोज नव्याने तेच उगळत बसलात तरी लोकांनी नेमकं काय करायचं ते ठरवलं आहे. सध्या चालू असलेली लोकसभा निवडणूक ही देशातल्या शेतकऱ्यांनी, बेरोजगार युवकांनी, महागाईने त्रासलेल्या लोकांनी हातात घेतली आहे. त्यामुळे आता देशातच नव्हे, तर आपल्या राज्यातही सत्तापरिवर्तन झाल्याशिवाय राहणार नाही.

हे ही वाचा >> “मुस्लिमांना संपूर्ण आरक्षण मिळायला हवं”, लालू प्रसाद यादवांचं वक्तव्य; चिराग पासवान पलटवार करत म्हणाले…

शरद पवारांकडून सुनील शेळकेंची कानउघडणी

राष्ट्रवादी काँग्रेस पार्टी शरदचंद्र पवार या पक्षाचे प्रमुख शरद पवार हे दोन महिन्यांपूर्वी लोणावळा दौऱ्यावर असताना त्यांच्या पक्षाने लोणावळ्यात कार्यकर्ता मेळाव्याचं आयोजन केलं होतं. या कार्यकर्ता मेळाव्यापूर्वी तिथल्या कार्यकर्त्यांनी शरद पवारांकडे आमदार सुनील शेळकेंची तक्रार केली होती. तेव्हा शरद पवार भर सभेतून शेळके यांना उद्देशून म्हणाले होते, इथल्या स्थानिक आमदाराने आमच्या कार्यकर्त्यांना दमदाटी केल्याचं मला सांगण्यात आलं. त्याच्यावर टीका करणाऱ्यांनाही त्याने दम दिला. मला त्याला सांगायचं आहे की, तू आमदार कोणामुळे झालास आठवतंय का? तुझ्या प्रचारसभेला इथे कोण आलेलं ते आठवतंय का? तेव्हा पक्षाचा अध्यक्ष कोण होता? तुला निवडणुकीचा अर्ज भरण्यासाठी एबी फॉर्म, पक्षचिन्ह कोणी दिलं ते आठवतंय का? तुझ्या अर्जावर कोणाची सही होती? तू माझ्या सहीने तुझा अर्ज भरला होतास. तू आज ज्या कार्यकर्त्यांना दमदाट करतोयस त्यांनी गेल्या निवडणुकीत तुझ्यासाठी घाम गाळला होता. एकदा दमदाटी केलीस, पुन्हा असं काही केलंस तर शरद पवार म्हणतात मला. मी या रस्त्याने सहसा जात नाही. परंतु, या रस्त्याने जाण्याची परिस्थिती कोणी निर्माण केली तर मी त्याला सोडतही नाही.