FIFA World Cup 2018 : देशासाठी काहीपण! रक्ताळलेल्या पायाने खेळत राहिला सामना

हा सामना सुरुवातीपासूनच जोरदार रंगला होता. या सामन्यात २०व्या मिनिटाला रशियाच्या बचाव फळीतील इल्या कुटेपोव्ह हा दुखापतग्रस्त झाला. प्रतिस्पर्धी खेळाडूंकडून चेंडू घेण्याच्या युद्धात त्याच्या पायाला दुखापत झाली. पण त्यानंतरही त्याने पूर्ण सामना खेळणे पसंत केले. उर्वरित सामना खेळल्यामुळे त्याची दुखापत गंभीर असेल, असे वाटत नव्हते. मात्र सामना संपल्यानंतर संघातील खेळाडूंना त्याच्या दुखापतीची जाणीव झाली.

२०व्या मिनिटाला दुखापत झाल्यांनतरदेखील तो पूर्ण १२० मिनिटे सामना खेळला. प्रतिस्पर्धी संघाची आक्रमणे रोखून धरण्यात त्याला बरेचदा यश आले. मात्र त्याच्या पायाला प्रचंड दुखापत झाली असल्याचे रशिया फुटबॉल संघाकडून ट्विट करण्यात आले. रशिया फुटबॉल संघाने आपल्या ट्विटरवर यासंबंधी पोस्ट केले. ‘सामना जिंकण्यासाठी सर्व खेळाडूंनी जीवापाड प्रयत्न केले. त्यात कुटेपोव्ह याच्या पायाला गंभीर दुखापत झाली’, अशी माहिती रशिया संघाने ट्विटरवरून दिली.

या सामन्यात शूटआऊट मध्ये रशियाचा पराभव झाला होता.