हैदराबादविरूद्धच्या सामन्यात दिल्लीचा कर्णधार श्रेयस अय्यर याने नाणेफेक जिंकली. हैदराबादने संघात महत्वाचा बदल केला. केन विल्यमसनला खेळवण्यासाठी जॉनी बेअरस्टोला संघाबाहेर बसवण्यात आले. तर प्रियम गर्गच्या जागी वृद्धिमान साहाला संघात घेत सलामीवीर-यष्टीकक्षक अशी दुहेरी जबाबदारी दिली. ही जबाबदारी वृद्धिमान साहाने पुरेपूर पार पाडली. सुरुवातीच्या दोन षटकांत त्याने दमदार फटकेबाजी केली. त्यानंतर कर्णधार डेव्हिड वॉर्नरने फटकेबाजीची जबाबदारी सांभाळत दिल्लीकरांना दणका दिला. A great start here for @SunRisers as their openers, @davidwarner31 & @Wriddhipops bring up a 50-run partnership between them. Live - #Dream11IPL pic.twitter.com/yqIGJS0KWs — IndianPremierLeague (@IPL) October 27, 2020 डेव्हिड वॉर्नर आणि वृद्धिमान साहा या दोघांनी पॉवर प्ले च्या ६ षटकांत तब्बल ७७ धावा कुटल्या. महत्त्वाची बाब म्हणजे यात डेव्हिड वॉर्नरने आपले अर्धशतकही पूर्ण केले. त्याने अवघ्या २५ चेंडूत आपलं अर्धशतक साकारलं. यंदाच्या हंगामात पॉवरप्लेच्या षटकांमध्ये अर्धशतक ठोकणारा वॉर्नर पहिलाच खेळाडू ठरला. तर बिनबाद ७७ ही यंदाच्या हंगामातील पॉवर-प्लेमधील सर्वाधिक धावसंख्या ठरली. Match 47. 5.6: K Rabada to D Warner, 4 runs, 77/0 #SRHvDC #Dream11IPL #IPL2020 — IndianPremierLeague (@IPL) October 27, 2020 दरम्यान, हैदराबादने ५२ चेंडूत (८.४ षटकांत) शतकही गाठले. यात वॉर्नरच्या ६२(३२) तर साहाच्या ३८(२१) धावा होत्या.