दौलत कारखाना न्युट्रियन्ट्स कंपनीकडे देण्यावर शिक्कामोर्तब

दौलत कारखाना भाडेतत्त्वावर देणे किंवा विक्री करणे अशा प्रकारच्या निविदा ११ वेळा काढण्यात आल्या होत्या. ११ पकी फक्त तीनवेळाच प्रतिसाद मिळाला. बँकेने १० एप्रिल रोजी प्रसिध्द केलेल्या जाहिरातीस अनुसरून न्युट्रियन्ट्स अ‍ॅग्रो प्रा. लि., गोकाक या कंपनीने निविदा भरली. ३० एप्रिल  रोजी संचालक मंडळाने हा कारखाना ४५ वष्रे मुदतीने भाडे तत्त्वावर चालविण्यास देण्याचा निर्णय घेतला. या कंपनीने कारखान्याच्या ताळेबंदानुसार जिल्हा बँकेची थकबाकी, शासकीय व कामगार इत्यादी सुरक्षित देणी द्यावयाची असून, पकी जिल्हा बँकेच्या ६७ कोटी इतक्या थकबाकीपोटी कंपनीस लेटर ऑफ इन्टेट दिल्यानंतर २५ टक्के रक्कम रुपये १७ कोटी ३० दिवसांच्या आत कंपनीने बँकेत जमा केल्यानंतर कारखाना मालमत्तेचा प्रत्यक्ष ताबा कंपनीकडे दिला. त्यानुसार कंपनीने २५ टक्के रक्कम रुपये १७ कोटी बँकेकडे दिनांक १ जुल  रोजी जमा केली. कारखाना मालमत्तेचा ताबा न्युट्रियन्ट्स कंपनीकडे देण्यात आला.

कारखाना हंगाम २०१६-१७ मुदतीत सुरू करण्यासाठी कारखाना देखभाल दुरुस्तीचे काम गतीने  सुरू आहे. कंपनीने थकीत बँक कर्जाच्या २५ टक्के रक्कम ३१ मार्च २०१७ पूर्वी बँकेकडे जमा करायची असून, जर त्यांनी दिलेल्या मुदतीत २५ टक्के रक्कम बँकेत जमा केली नाही तर पूर्वी भरलेली २५ टक्के रक्कम रद्द  करण्यात येणार असून, कारखाना मालमत्तेचा ताबा पूर्ववत बँकेकडे देण्याचा आहे, असे करारात नमूद आहे. उर्वरित ५० टक्के बँक थकबाकी वार्षकि समान पाच हप्त्यामध्ये १२ टक्के व्याजासह कंपनी बँकेकडे जमा करणार असून, कंपनीने शासकीय व कामगार देणी कारखाना गळीत हंगाम चालू करण्यापूर्वी संबंधितांशी चर्चा करून देण्याचे मान्य केले आहे.