कोल्हापुरात लोकराजाचा जयघोष; समता दिंडीला

राजर्षी छत्रपती शाहू महाराज की जय! या जयघोषाने शाहू महाराजांचे स्मरण करून देणाऱ्या शोभायात्रा व समता दिंडीला कोल्हापूरकरांनी गुरुवारी भरघोस प्रतिसाद दिला.

Kolhapur citizens warmly joined Samata Dindi

जिल्हा प्रशासन व सहायक आयुक्त समाजकल्याण विभागाच्या वतीने आयोजित समता दिंडीला चांगला प्रतिसाद मिळाला.(file photo)

कोल्हापूर : राजर्षी छत्रपती शाहू महाराज की जय! या जयघोषाने शाहू महाराजांचे स्मरण करून देणाऱ्या शोभायात्रा व समता दिंडीला कोल्हापूरकरांनी गुरुवारी भरघोस प्रतिसाद दिला. राजर्षी शाहू महाराज यांचा जन्मदिवस ‘सामाजिक न्याय दिन’ म्हणून साजरा करण्यात आला. यानिमित्ताने जिल्हा प्रशासन व सहायक आयुक्त समाजकल्याण विभागाच्या वतीने आयोजित समता दिंडीला चांगला प्रतिसाद मिळाला.

दिंडीचा प्रारंभ पालकमंत्री प्रकाश आबिटकर यांच्या हस्ते हिरवा झेंडा दाखवून करण्यात आले. वैद्यकीय शिक्षणमंत्री हसन मुश्रीफ, खासदार शाहू महाराज छत्रपती, आमदार जयंत आसगावकर, जिल्हाधिकारी अमोल येडगे, शिवाजी विद्यापीठाचे कुलगुरू डॉ. डी. टी. शिर्के उपस्थित होते.

This quiz is AI-generated and for edutainment purposes only.

दिंडीत भारतरत्न डॉ. बाबासाहेब आंबेडकर संशोधन व प्रशिक्षण संस्था, (बार्टी पुणे ) यांनी भारतीय संविधानाची प्रस्ताविका असणाऱ्या चित्ररथासह सहभाग घेतला होता. जिल्ह्यातील शाळा, महाविद्यालये, सामाजिक न्याय विभाग अधिकारी, कर्मचारी तसेच शासकीय वसतिगृहे, निवासी शाळा, आश्रम शाळा, नागरिकांनी पारंपरिक वेशभूषेत ढोल-ताशा, लेझीमपथक, शाहू महाराजांच्या जीवनपटावर चित्ररथ व हलगी वाद्यासह दिंडीत सहभाग नोंदवला.

Web Title: Kolhapur citizens warmly joined samata dindi chanting chhatrapati shahu maharaj name sud 02