डी. वाय. पाटील क्रिकेट स्पर्धा मुंबईचा उदयोन्मुख फलंदाज सूर्यकुमार यादवने (१४३ धावा) साकारलेल्या दुसऱ्या शतकाच्या बळावर बीपीसीएल संघाने डी. वाय. पाटील चषक ट्वेन्टी-२० क्रिकेट स्पर्धेत डी. वाय. पाटील संघाला १०० धावांनी धूळ चारली. प्रथम फलंदाजी करताना सूर्यकुमारने ६३ चेंडूंत सात चौकार आणि तब्बल १४ उत्तुंग षटकारासह १४३ धावा फटकावल्यामुळे बीपीसीएलने २० षटकांत ४ बाद २६० धावा केल्या. आकर्षित गोमेलनेसुद्धा ४९ चेंडूंत १०१ धावांची खेळी साकारली. सूर्यकुमार-आकर्षित यांनी दुसऱ्या गडय़ासाठी २१४ धावांची भागीदारी रचली. प्रत्युत्तरात डी. वाय. पाटील संघाचा डाव १७.५ षटकांत १६० धावांत आटोपला. शिवम मल्होत्राने तीन बळी मिळवले. अन्य लढतीत डी. वाय पाटील ‘अ’ संघाने जैन इरिगेशनवर ५५ धावांनी मात केली.
