News Flash

विजेंदर दोषी आढळल्यास कारवाई होईल -क्रीडामंत्री

ऑलिम्पिक कांस्यपदक विजेता विजेंदर सिंग अंमली पदार्थाचे सेवन केल्याप्रकरणी दोषी आढळल्यास त्याच्यावर योग्य कारवाई करण्यात येईल, असा इशारा केंद्रीय क्रीडामंत्री जितेंद्र सिंग यांनी सोमवारी दिला.

| March 12, 2013 03:23 am

ऑलिम्पिक कांस्यपदक विजेता विजेंदर सिंग अंमली पदार्थाचे सेवन केल्याप्रकरणी दोषी आढळल्यास त्याच्यावर योग्य कारवाई करण्यात येईल, असा इशारा केंद्रीय क्रीडामंत्री जितेंद्र सिंग यांनी सोमवारी दिला.
‘‘सध्या पंजाब पोलिसांकडून या प्रकरणी कसून चौकशी सुरू आहे. जेव्हा यासंदर्भातील निष्कर्ष बाहेर येईल आणि आरोपपत्र दाखल केले जाईल. त्यावेळी आम्ही निश्चितपणे कारवाई करू,’’ असे जितेंद्र सिंग यांनी सांगितले.
‘‘दोषी व्यक्तीला शिक्षा केली जाईल, पण ते पंजाब पोलिसांच्या अखत्यारित असेल. कारण तेच याविषयी चौकशी करीत आहेत,’’ असे ते पुढे म्हणाले.
अंमली पदार्थाचे सेवन करीत असल्याची कबुली देणाऱ्या राम सिंगची राष्ट्रीय क्रीडा संस्था (एनआयएस) आधीच हकालपट्टी करण्यात आली आहे. विजेंदरसोबत आपण अंमली पदार्थाचे सेवन केल्याचे माजी राष्ट्रीय विजेत्या राम सिंगने कबूल केले आहे. परंतु विजेंदरने या आरोपांचा इन्कार केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 12, 2013 3:23 am

Web Title: action will be taken if vijendra found faulty sports minister
टॅग : Boxing,Sports Minister
Next Stories
1 महिला क्रिकेट: महाराष्ट्राची मध्य प्रदेशवर मात
2 युवराज, उन्मुक्तच्या खेळामुळे उत्तर विभाग अंतिम फेरीत
3 सचिन हा मॅराडोना, पेलेचा संगम
Just Now!
X