जो रूटच्या अष्टपैलू खेळाच्या बळावर इंग्लंडने दुसऱ्या एकदिवसीय लढतीत ऑस्ट्रेलियाचा चार विकेट्स राखून पराभव केला आणि पाच एकदिवसीय सामन्यांच्या मालिकेत २-० अशी आघाडी घेतली आहे. आरोन फिन्चने (१०६) सलग दुसऱ्या सामन्यात शतकी खेळी साकारल्यामुळे ऑस्ट्रेलियाने ९ बाद २७० धावा केल्या. परंतु इंग्लंडने हे आव्हान ५.४ षटके राखून आरामात पार केले. रूटने ३१ धावांत २ बळी मिळवल आणि ४६ धावांचे योगदान दिले. इंग्लंडकडून जॉनी बेअरस्टो (६०) आणि अ‍ॅलेक्स हेल्स (५७) यांनी दुसऱ्या विकेटसाठी ११७ धावांची भागीदारी केली. संक्षिप्त धावफलक ऑस्ट्रेलिया : ५० षटकांत ९ बाद २७० (आरोन फिन्च १०६, मिचेल मार्श ३६; जो रूट २/३१) पराभूत वि. इंग्लंड : ४४.२ षटकांत ६ बाद २७४ (जॉनी बेअरस्टो ६०, अ‍ॅलेक्स हेल्स ५७, जो रूट नाबाद ४६; मिचेल स्टार्क ४/५९); सामनावीर : जो रूट.
