06 August 2020

News Flash

जर्मन चषक फुटबॉल स्पर्धा : बायर्न म्युनिकचे विक्रमी विजेतेपद

अंतिम फेरीत बायर लेव्हरक्युसेनवर सरशी साधून जर्मन चषकावर मोहोर

संग्रहित छायाचित्र

बुंडेसलिगापाठोपाठ बायर्न म्युनिकने जर्मन चषक फुटबॉल स्पर्धेचे विक्रमी विजेतेपद पटकावले. बायर्न म्युनिकने अंतिम लढतीत बायर लेव्हरक्युसेनला ४-२ असे नमवले.

रॉबर्ट लेवानडोस्कीच्या दोन गोलांसह डेव्हिड अल्बा आणि सर्जी नाब्री यांनी प्रत्येकी एक गोल केला. लेवानडोस्कीने याबरोबरच हंगामातील एकूण गोलांची संख्या ५० वर नेली. बायर्न म्युनिकचे हे जर्मन लीगचे २० वे विजेतेपद ठरले. ऑगस्टमध्ये चॅँपियन्स लीग जिंकून एका हंगामात तीन जेतेपदे पटकवण्याचा बायर्नचा प्रयत्न असेल.

बायर्न म्युनिकच्या घरच्या मैदानात एरवी ७५ हजार प्रेक्षकांची क्षमता आहे. मात्र प्रेक्षकांशिवाय लढती खेळण्यात येत असताना जर्मन चषकाच्या अंतिम लढतीत अवघ्या ६९१ जणांना प्रवेश देण्यात आला होता. त्यात जर्मन फुटबॉल संघाचे प्रशिक्षक जोकीम ल्यू यांचा समावेश होता. सप्टेंबरमध्ये नव्या हंगामाची सुरुवात होईल तेव्हा काही मोजक्या प्रेक्षकांना प्रवेश देण्याचा जर्मन फुटबॉल अधिकाऱ्यांचा विचार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 6, 2020 12:02 am

Web Title: german cup football tournament bayern munich championship abn 97
Next Stories
1 सेरी-ए फुटबॉल स्पर्धा : युव्हेंट्सच्या विजयात रोनाल्डोची चमक
2 आव्हानात्मक पुनरागमनानंतर ऑलिम्पिक पात्रतेचे ध्येय!
3 आकाश भारताचा ६६वा ग्रँडमास्टर
Just Now!
X