भारतीय संघाचा अनुभवी फिरकीपटू आणि चेन्नई सुपरकिंग्जचा महत्वाचा खेळाडू हरभजन सिंह आपल्या इतर सहकाऱ्यांसोबत युएईला रवाना होणार नाहीये. २० ऑगस्टनंतर सर्व संघांना युएईला रवाना होण्याची परवानगी देण्यात आलेली आहे. परंतू आपल्या आईच्या आजारपणामुळे हरभजनने आपल्या इतर सहकाऱ्यांसोबत प्रवास न करण्याचा निर्णय घेतला आहे. दोन आठवड्यांनी हरभजन युएईला रवाना होणार असल्याचं वृत्त टाइम्स ऑफ इंडियाने दिलेलं आहे. अवश्य वाचा - IPL 2020 : UAE मध्ये Bio Secure Bubble तयार करण्याचं कंत्राट UK मधील कंपनीला २० ऑगस्टपर्यंत CSK चे खेळाडू चेन्नईतील एम.ए.चिदंबरम मैदानावर सराव करणार आहेत. आपल्या आईच्या तब्येतीविषयीची माहिती हरभजनने चेन्नईच्या संघप्रशासनाला दिली असून दोन आठवड्यात युएईला रवाना होणार असल्याचंही हरभजनने सांगितलं आहे. २०१८ च्या हंगामात चेन्नई सुपरकिंग्जने हरभजनसाठी २ कोटींची किंमत मोजत त्याला आपल्या संघात घेतलं होतं. याआधी हरभजन मुंबई इंडियन्सकडून खेळत होता. रविंद्र जाडेजा आणि शार्दुल ठाकूर हे दोन महत्वाचे खेळाडूही CSK कँपला हजर राहू शकले नव्हते. संघ युएईला रवाना होण्याआधी ते चेन्नईत दाखल होणार असल्याचं समजतंय. १९ सप्टेंबर ते १० नोव्हेंबर या काळात युएईमध्ये आयपीएलचा तेरावा हंगाम रंगणार आहे. अवश्य वाचा - चिनी कंपनीच्या गुंतवणूकीनंतरही Dream 11 ला IPL स्पॉन्सरशिप, BCCI म्हणतं…
