News Flash

ICC Test Ranking : १३ वर्षांनंतर ऑस्ट्रेलियाचा गोलंदाज क्रमवारीत अव्वल

फलंदाजांच्या क्रमवारीत कर्णधार विराट कोहली, चेतेश्वर पुजारा आपल्या स्थानी कायम

पॅट कमिन्स

ICC च्या कसोटी क्रमवारीत तब्बल १३ वर्षाच्या दीर्घ प्रतीक्षेनंतर ऑस्ट्रेलियाचा खेळाडू गोलंदाजाच्या क्रमवारीत अव्वल स्थानी विराजमान झाला आहे. ICC ने कसोटी क्रमवारीची ताजी यादी नुकतीच जाहीर केली. या यादीत ऑस्ट्रेलियाचा वेगवान गोलंदाज पॅट कमिन्स याने अव्वल स्थान पटकावले आहे. मुख्य बाब म्हणजे या आधी ऑस्ट्रेलियाचा माजी गोलंदाज ग्लेन मॅकग्रा हा २००६ साली कसोटी क्रमवारीत अव्वल होता. त्यानंतर तब्बल १३ वर्षांनंतर ऑस्ट्रेलियन गोलंदाजाला ही कामगिरी करता आली.

पॅट कमिन्सने ८७८ गुणांची कमाई करत इंग्लंडच्या जेम्स अँडरसन आणि आफ्रिकेच्या कागिसो रबाडाला मागे टाकले. या यादीत १३ वर्षांच्या कालावधीत माजी गोलंदाज मिचेल जॉन्सन याने २००९ मध्ये दुसऱ्या स्थानापर्यंत मजल मारली होती. हीच ऑस्ट्रेलियन गोलंदाजांची सर्वोत्तम कामगिरी ठरली होती. दरम्यान, सध्या अँडरसन ८६२ गुणांसह दुसऱ्या स्थानी आहे. तर अव्वल स्थानी असलेल्या रबाडाची दोन स्थानांची घसरण होऊन तोही तिसऱ्या स्थानी (८४९) फेकला गेला आहे.

फलंदाजांच्या क्रमवारीत भारतीय कर्णधार विराट कोहली हा ९९२ गुणांसह अव्वल स्थानी कायम आहे. तर संयमी चेतेश्वर पुजाराही तिसऱ्या स्थानी कायम आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 19, 2019 12:39 pm

Web Title: icc test rankings after 13 years australian pacer pat cummins placed top in list
Next Stories
1 धोनी संघाचा केंद्रबिंदू, भारताला विश्वचषक जिंकण्याची चांगली संधी – मोहम्मद कैफ
2 Video : बाद झाल्याच्या रागात फिंचने खुर्चीला झोडपले…
3 विराटला बाद करण्याचं ऑस्ट्रेलियन गोलंदाजांसमोर मोठं आव्हान – मॅथ्यू हेडन
Just Now!
X