IND vs NZ : पुनरागमन केलेल्या धोनीची बोल्टच्या गोलंदाजीवर दांडी गुल - Marathi News | Ind Vs Nz Trent Boult Cleans Up Ms Dhoni With A Ripper On Return Watch Video

अवघी एक धाव काढून धोनी माघारी

न्यूझीलंडविरुद्ध अखेरच्या वन-डे सामन्यात दुखापतग्रस्त महेंद्रसिंह धोनीने संघात पुनरागमन केलं. चौथ्या सामन्यात भारतीय फलंदाजीची उडालेली दाणादाण पाहता, धोनीचं संघात असणं गरजेचं असल्याची भावना अनेक चाहत्यांनी बोलून दाखवली. मात्र अखेरच्या सामन्यातही भारताच्या सलामीच्या फलंदाजांनी नांगी टाकली. शिखर धवन, रोहित शर्मा, शुभमन गिल हे फलंदाज एकामागोमाग एक तंबूत परतले. हे तिन्ही फलंदाज माघारी परतल्यानंतर धोनी मैदानात आला.

भारतीय संघ अडचणीत सापडलेला पाहून भारतीय चाहत्यांना धोनी संघाला संकटातून बाहेर काढेल अशी आशा होती. मात्र ट्रेंट बोल्टने टाकलेल्या एका भन्नाट चेंडूवर धोनी अवघ्या एका धावेवर त्रिफळाचीत झाला. बोल्टने टाकलेल्या चेंडूचं कोणतही उत्तर धोनीकडे नव्हतं, धोनी आऊट झाल्याचा हा व्हिडीओ सध्या सोशल मीडियावर व्हायरल होतो आहे.

Dhoni #support pic.twitter.com/g3OCZW4URO
— HARI (@Harikri86736803) February 3, 2019

मात्र महत्वाचे फलंदाज माघारी परतल्यानंतर मधल्या फळीतल्या अंबाती रायुडू, विजय शंकर, हार्दिक पांड्या, केदार जाधव यांनी फटकेबाजी करुन भारतीय संघाला 252 धावांचा टप्पा ओलांडून दिला.

अवश्य वाचा – ऑस्ट्रेलियाच्या भारत दौऱ्यातील वेळापत्रकात बदल

First published on: 03-02-2019 at 12:52 IST

TOPICSमहेंद्रसिंग धोनी Mahendra Singh Dhoni

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs nz trent boult cleans up ms dhoni with a ripper on return watch video