07 August 2020

News Flash

हॉकीला राष्ट्रीय खेळाचा दर्जा द्या, नवीन पटनाईकांची नरेंद्र मोदींकडे मागणी

नोव्हेंबरमध्ये ओडीशात हॉकी विश्वचषकाचं आयोजन

काही दिवसांपूर्वी ओडीशा सरकारने हॉकी इंडियाचं प्रायोजकत्व स्विकारलं आहे.

ओडीशाचे मुख्यमंत्री नवीन पटनाईक यांनी पंतप्रधान नरेंद्र मोदी यांना हॉकीला भारताच्या राष्ट्रीय खेळाचा दर्जा देण्याची मागणी केली आहे. येत्या नोव्हेंबर महिन्यात ओडीशात हॉकी विश्वचषकाचं आयोजन करण्यात आलेलं आहे. त्या पार्श्वभूमीवर नवीन पटनाईक यांनी मोदींकडे मागणी केल्याचं समजतंय. पीटीआय या वृत्तसंस्थेने यासंदर्भातलं वृत्त दिलेलं आहे.

“माननीय मोदीजी, आपल्याला माहिती असेलच की हॉकीचा विश्वचषक येत्या नोव्हेंबर महिन्यात ओडीशामध्ये भरवला जाणार आहे. या स्पर्धेच्या तयारीदरम्यान तरुणांमध्ये असणारं हॉकीचं वेड मी अनुभवतो आहे. आतापर्यंत हॉकीने भारतीय चाहत्यांना जेवढे आनंदाचे क्षण दिले आहेत, तेवढं आपण हॉकीसाठी काहीच करु शकलो नाहीत. यासाठी मी हॉकीला राष्ट्रीय खेळाचा दर्जा देण्याची मागणी करतो आहे.” अशा आशयाचा मजकूर पटनाईक यांनी मोदींना लिहीलेल्या पत्रात आहे.

मेजर ध्यानचंद यांच्या काळात भारतीय हॉकीने जगावर राज्य केलं होतं. मात्र काळाच्या ओघात भारतीय हॉकी मागे पडली. मध्यंतरीच्या काळात हॉकी हा भारताचा राष्ट्रीय खेळ असल्याचा चुकीचा समज लोकांमध्ये होता. मात्र ऐश्वर्या पराशर नावाच्या मुलीने माहिती अधिकाराखाली राष्ट्रीय खेळाबद्दल माहिती मागितली होती. यावर उत्तर देताना केंद्र सरकारने कोणत्याही खेळाला भारताचा राष्ट्रीय खेळाचा दर्जा देण्यात आलेला नसल्याचं सांगितलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 20, 2018 4:52 pm

Web Title: naveen patnaik requests pm modi to notify hockey as national game of india
Next Stories
1 साक्षी धोनीच्या जीवाला धोका; पिस्तूल बाळगण्याची मागितली परवानगी
2 जाणून घ्या इंग्लंड विरुद्ध ऑस्ट्रेलिया सामन्यात झालेले १२ विक्रम
3 VIDEO – या देशात खातात मातीच्या रोटी, नका वाया घालवू अन्न सेहवागचा संदेश
Just Now!
X