News Flash

‘शास्त्रींसोबत बसला आहेस का?’; ‘या’ फोटोमुळे रोहित झाला ट्रोल

पोस्टमध्ये रोहितने एक वेगळीच चूक केली आणि ...

भारत आणि पाकिस्तान यांच्यातील सामना हा कायमच हाय व्होल्टेज असतो. असाच सामना २०१९ च्या विश्वचषक स्पर्धेत झाला. त्या सामन्यात भारताने पाकिस्तानला चांगलेच झोडपले आणि त्यांच्यावर आतापर्यंतचा विश्वचषकातील सर्वात मोठा विजय मिळवला. पण ICC चॅम्पियन्स ट्रॉफी २०१७ च्या अंतिम सामन्यात भारताला पराभवाचे तोंड पाहावे लागले होते. हा पराभवाची सल भारतीय क्रिकेट रसिकांच्या मनात अजूनही आहे. त्यातच भारताचा हिटमॅन रोहित शर्मा याने याबाबतच्या कटू आठवणी चुकून ताज्या केल्या.

रोहित शर्माने एक फोटो पोस्ट केला. त्या फोटोत त्याने चॅम्पियन्स ट्रॉफी विजेत्या भारतीय संघाचा फोटो पोस्ट केला होता. भारताने २०१३ साली इंग्लंडला पराभूत करून ही स्पर्धा जिंकली होती. त्यावेळी काढलेला हा फोटो होता. मात्र या फोटोमध्ये कॅप्शन देताना रोहित शर्माने थोडीशी गफलत केली. रोहितने या फोटोच्या कॅप्शनमध्ये चुकून चॅम्पियन्स ट्रॉफी २०१७ असे लिहीले.

या कॅप्शनसह फोटो ट्विटरवर आणि इन्स्टाग्रामवर पोस्ट केल्यानंतर सोशल मीडियावर रोहित प्रचंड ट्रोल झाला. रोहितने पोस्ट केलेल्या फोटोमध्ये सुरेश रैना, भुवनेश्वर कुमार आणि शिखर धवन यांचा समावेश आहे. त्यामुळे या फोटोच्या कॅप्शनमधील चूक स्वतः सुरेश रैनानेही रोहितच्या लक्षात आणून दिली.

रोहितने लगेचच फोटो डिलीट केला. आणि पुन्हा एकदा योग्य कॅप्शन सह तो फोटो इन्स्टाग्रामवर पोस्ट केला.

 

View this post on Instagram

 

Memories to cherish #ChampionsTrophy2013

A post shared by Rohit Sharma (@rohitsharma45) on

पण हा प्रकार लक्षात येऊन तो फोटो नव्याने अपलोड करेपर्यंत सोशल मीडियावर या चुकीची चांगलीच चर्चा रंगलेली पाहायला मिळाली. अनेकांनी रोहित शर्माची टिंगल केली. या प्रकारामुळे रोहित चांगलाच ट्रोल झाला.

दरम्यान, भारतीय संघ २०१९ च्या विश्वचषक स्पर्धेत चांगली कामगिरी करत आहे. त्यात रोहित शर्माने या स्पर्धेत २ शतके ठोकून उल्लेखनीय कामगिरी केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 24, 2019 3:48 pm

Web Title: rohit sharma troll instagram twitter post delete repost ravi shastri vjb 91
Next Stories
1 ‘न्यूझीलंडचा संघ सामना जिंकेपर्यंत उड्डाण करु नका’, प्रवाशांनी वैमानिकाकडे केली विनंती आणि…
2 ‘हम तो डूबे हैं सनम, तुझे भी ले डूबेंगे’; अफगाणिस्तानच्या कर्णधाराचा बांगलादेशला इशारा
3 वेस्ट इंडिज देश नाही, राष्ट्रगीतावेळी वाजवलं जातं ‘हे’ गाणं
Just Now!
X