रविंद्र जाडेजा सर्वोत्कृष्ट क्षेत्ररक्षक, माजी ऑस्ट्रेलियन कर्णधाराचं प्रशस्तीपत्रक

सध्याच्या घडीला विश्वचषक स्पर्धेत आणि आंतरराष्ट्रीय क्रिकेटमध्ये रविंद्र जाडेजा सर्वोत्कृष्ट क्षेत्ररक्षक असल्याचं मायकल क्लार्कने म्हटलं आहे. “माझ्या मते रविंद्र जाडेजापेक्षा उत्तम क्षेत्ररक्षक या स्पर्धेत तुम्हाला सापडणार नाही. मैदानावर धावा वाचवणं असो, महत्वाची जोडी फोडणं असो, कठीण झेलं घेणं, थेट चेंडू फेकत धावबाद करणं असो या सर्व गोष्टींमध्ये जाडेजा मातब्बर आहे.” समालोचन करत असताना क्लार्कने जाडेजाचं कौतुक केलं.

अवश्य वाचा – विराट कोहली अप्रगल्भ, स्वतःवर टीका केलेली सहन होत नाही !

न्यूझीलंडविरुद्ध सराव सामन्यात रविंद्र जाडेजाने अर्धशतकी खेळी करत गरजेच्या वेळी आपल्या फलंदाजीचं कौशल्य दाखवलं होतं. त्यामुळे पहिल्या सामन्यात जाडेजाला अंतिम ११ जणांच्या संघात स्थान मिळतं का हे पाहणं महत्वाचं ठरणार आहे.

अवश्य वाचा – सरावातून वेळ काढत टीम इंडियाची लंडन सफारी, पाहा खास फोटो