04 August 2020

News Flash

विजय हजारे चषक – मुंबईची कर्नाटकवर मात, कर्णधार अजिंक्य रहाणेचं शतक

श्रेयस अय्यरचीही शतकी खेळी

अजिंक्य रहाणे (संग्रहीत छायाचित्र)

कर्णधार अजिंक्य रहाणे आणि श्रेयस अय्यर यांनी झळकावलेल्या शतकांच्या जोरावर मुंबईने विजय हजारे करंडकात आपला दुसरा विजय नोंदवला आहे. मुंबईने कर्नाटकवर ८८ धावांनी मात केली. अजिंक्य रहाणेने सामन्यात १४८ तर श्रेयस अय्यरने ११० धावा पटकावल्या. सलामीवीर पृथ्वी शॉनेही ६० धावा काढून दोन्ही फलंदाजांना चांगली साथ दिली. या फलंदाजीच्या जोरावर मुंबईने ५० षटकात ५ गड्यांच्या मोबदल्यात ३६२ धावांचा डोंगर उभारला.

कर्नाटकचा एकही गोलंदाज मुंबईच्या फलंदाजांना वेसण घालू शकला नाही. बंगळुरुत झालेल्या सामन्यात मुंबईच्या फलंदाजांनी चौफेर फटकेबाजी करत धावा वसुल केल्या. कर्नाटककडून विनय कुमार, अभिमन्यू मिथून, स्टुअर्ड बिन्नी आणि कृष्णप्पा गौथम यांनी प्रत्येकी १-१ बळी घेतला.

प्रत्युत्तरादाखल मैदानात उतरलेल्या कर्नाटकच्या फलंदाजांनाही फारशी चमक दाखवता आली नाही. सलामीवीर मयांक अग्रवालने ६६ धावांची अर्धशतकी खेळी केली. मात्र दुसऱ्या बाजूने त्याला इतर फलंदाजांची साथ लाभली नाही. ठराविक अंतराने कर्नाटकचे फलंदाज माघारी परतत राहिल्यामुळे मोक्याच्या क्षणी मोठी भागीदारी रचणं त्यांना जमलं नाही. अखेरच्या फळीत कृष्णप्पा गौथम आणि कर्णधार विनय कुमारने फटकेबाजी करण्याचा प्रयत्न केला, मात्र त्यांची डाळ शिजू शकली नाही. मुंबईकडून शम्स मुलानीने ४ तर तुषार देशपांडे आणि शिवम दुबे जोडीने प्रत्येकी २-२ बळी घेतले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 21, 2018 6:59 pm

Web Title: vijay hajare trophy 2018 mumbai registered their second win beat karnataka by 88 runs captain rahane slams a century
Next Stories
1 शून्य गुण मिळूनही विराट कोहलीला खेलरत्न पुरस्कार, जाणून घ्या काय आहेत निकष?
2 ‘हिटमॅन’च्या खेळीसमोर बांगलादेशी वाघ निष्प्रभ, भारत ७ गडी राखून विजयी
3 Ind vs Pak : टीम इंडियाचा ‘प्रिन्स दादा’, पाकिस्तानवरील विजयानंतर भुवनेश्वरने तलवारीने कापला केक
Just Now!
X