Vijay Hazare Trophy 2018-19 : विजय हजारे करंडक स्पर्धेत रविवारी बिहारच्या संघाने सिक्किमच्या संघाचा २९२ धावांनी दणदणीत पराभव केला. बिहारने प्रथम फलंदाजी करत ६ बाद ३३८ धावा केल्या होत्या. या धावांचा पाठलाग करताना सिक्कीमचा संघ केवळ ४६ धावांत गारद झाला. केशव कुमार आणि अनुनय सिंग या दोघांनी प्रत्येकी ३-३ बळी टिपल्यामुळे बिहारला इतका मोठा विजय मिळवता आला. बिहारचे चाहते या विजयामुळे प्रचंड खुश झाले. पण सिक्कीमच्या संघाच्या नावावर या पराभवामुळे एक लाजिरवाणा विक्रम नोंदवला गेला. सिक्कीमची धावसंख्या ही लिस्ट अ प्रकारात तिसऱ्या क्रमांकाची सर्वात कमी धावसंख्या ठरली. या यादीत सर्वात कमी धावसंख्या ही सौराष्ट्रची मुंबईविरुद्ध आहे. या सामन्यात सौराष्ट्रने केवळ ३४ धावांत सर्व गडी गमावले होते. तर राजस्थानच्या संघाला रेल्वे संघाने ३५ धावांत तंबूत पाठवले होते. त्यानंतर सिक्कीमची धावसंख्या या यादीत तिसरी ठरली.
