ऑस्ट्रेलियाचा सलामी फलंदाज मॅथ्यू वेड आणि भारताचा यष्टीरक्षक फलंदाज ऋषभ पंत यांच्यातील शाब्दिक चकमक सध्या सोशल मीडियावर चर्चेचा विषय आहे. मॅथ्यू वेडनं वाढत्या वजनावरुन ऋषण पंतची खिल्ली उडवली. पंतनेही वेडला जशास तसं प्रत्त्युतर दिलं आहे. या घटनेचा व्हिडीओ सध्या सोशल मीडियावर व्हायरल होत आहे.

बॉक्सिंग डे कसोटी सामन्यात आपल्या दुसऱ्या डावात ऑस्ट्रेलियाचा संघ फलंदाजी करत होता. भारतीय गोलंदाजापुढे कांगारुंनी गुडघे टेकले होते. पण मॅथ्यू वेड एका बाजूनं संयमी फलंदाजी करत होता. त्याला बाद करण्यासठी भारतीय गोलंदाज जिवाचं राण करत होतं. मात्र, त्याचा संयम तुटत नव्हता. पंतनं यष्टीमागून वेडचा संयम तोडण्याचा सल्ला केला. मात्र, मॅथ्यू वेडनं पंतला त्याच्या जाडेपणावरुन डिवचलं.’ तू स्वत:ला कधी मोठ्या स्क्रीनवर पाहिलेस का ? ३० ते ४० किलो वजन वाढल्याचं दिसतेय.’ असा टोमणा वेडनं पंतला मारला होता. पंतनेही मॅथ्यू वेडला आपल्या खास शैलीत उत्तर दिलं.


— Andrew McCormack (@_AMcCormack7) December 28, 2020


सामन्यादरम्यान दोघांमध्ये अनेकदा शाब्दिक चकमक झाली. या प्रसंगाचे व्हिडीओ सोशल मीडियावर व्हायरल झाले आहेत. दुसऱ्या डावात मॅथ्यू वेड ४० धावांवर बाद झाला.

पहिल्या डावातही मॅथ्यू वेडला बाद करण्यात ऋषभ पंतला बाद करण्यात महत्वाची भूमिका बजावली होती.

मॅथ्यू वेडनं चौकार मारल्यानंतर ऋषभ पंतने अश्विनला सल्ला दिला. त्यानंतर लगेच मॅथ्यू वेड बाद झाला होता. २०१८ दौऱ्यात पंत आणि पेन यांच्यादरम्यान बेबीसिटरवरुन झालेलं स्लेजिंग आजही सर्वांच्या आठवणीत असेल.