आयपीएलची हवा…पण वनडेत ‘या’ चार दिग्गज फलंदाजांनी आणलं वादळ, ठोकलं सर्वात वेगवान अर्धशतक

याआधी खेळाडू आक्रमक अंदाजात फलंदाजी करत नव्हेत असं नाहीय. त्या जमान्यातही अनेक असे फलंदाज होते, ज्यांनी खूप चांगल्या स्ट्राईक रेटने फलंदाजी करुन अनेक विक्रमांना गवसणी घातली आहे. वनडेत सर्वात वेगवान शतक ठोकणाऱ्या खेळाडूंबाबत नेहमीच ऐकलं असेल. पण आम्ही तुम्हाला चार दिग्गज फलंदाजांबाबत सांगणार आहोत. ज्यांच्या नावावर वनडे क्रिकेटमध्ये सर्वात वेगवान अर्धशतक ठोकण्याचा विक्रम नोंदवला गेला आहे.

नक्की वाचा – …म्हणून सारा तेंडुलकरची होतेय चर्चा, अर्जुनने साहाला बाद केलं अन् साराची रिअ‍ॅक्शन झाली व्हायरल

४) मार्टिन गप्टिल – १७ चेंडू

न्यूझीलंडचा सलामी फलंदाज मार्टिन गप्टिल धडाकेबाज फलंदाजी करण्यासाठी ओळखला जातो. जेव्हा त्याच्या लयमध्ये असतो त्यावेळी त्याला रोखणं गोलंदाजांसाठी कठीण बनतं. गप्टिलने २०१५ मध्ये श्रीलंकाविरुद्ध झालेल्या सामन्यात १७ चेंडूत अर्धशतक ठोकण्याची कामगिरी केली.

३) कुशल परेरा – १७ चेंडू

श्रीलंकेचा विकेटकीपर कुशल परेराच्या नावावरही १७ चेंडूत अर्धशतक ठोकण्याचा विक्रम आहे. हा कारनामा त्याने २०१५ मध्ये पाकिस्तानविरुद्ध झालेल्या सामन्यात केला होता. पाकिस्तानने प्रथम फलंदाजी करत २८७ धावांपर्यंत मजल मारली होती.

२) सनथ जयसूर्या – १७ चेंडू

श्रीलंकेचाच आणखी एक माजी दिग्गज सलामीवीर फलंदाज सनथ जयसूर्याने १७ चेंडूत ५० धावा केल्या होत्या. त्याने ही चमकदार कामगिरी १९९६ मध्ये सिंगर कपमध्ये पाकिस्तान विरुद्ध झालेल्या सामन्यात केली होती. पाकिस्तानने प्रथम फलंदाजी करत २१५ धावा केल्या होत्या.

१) एबी डिविलियर्स – १६ चेंडू

दक्षिण आफ्रिकेचा माजी दिग्गज फलंदाज एबी डिविलियर्सच्या नावावर वनडे क्रिकेटमध्ये सर्वात वेगवान अर्धशतक ठोकण्याचा विक्रम आहे. वेस्टइंडिजविरुद्ध २०१५ मध्ये त्याने फक्त १६ चेंडूत अर्धशतक ठोकण्याचा कारनामा केला होता. डिविलियर्सने त्या सामन्यात फक्त ४४ चेंडूत ९ चौकार आणि १६ षटकारांच्या मदतीनं १४९ धावांची वादळी खेळी केली होती.