NZ vs SL 2nd T20: अ‍ॅडम मिल्नेचा कहर! वेगवान चेंडू टाकत पथुम निसांकाच्या बॅटच्या उडवल्या चिंधड्या, पाहा VIDEO

अॅडम मिल्नेने पाथुम निसांकाची बॅट तोडली –

न्यूझीलंडचा गोलंदाज अॅडम मिल्ने त्याच्या वेगवान गोलंदाजीसाठी सर्वत्र ओळखला जातो. या सामन्यातही त्याने श्रीलंकेच्या डावातील पहिल्याच षटकातील पाचवा चेंडू वेगाने टाकला. फलंदाज पथुम निसांकाने या चेंडूचा बचाव करण्याचा प्रयत्न केला, परंतु चेंडू त्याच्या बॅटला लागताच बॅट चेंडूचा वेग झेलू शकली नाही. ज्यामुळे बॅट तुटली. इतकेच नाही तर बॅट तुटल्यामुळे पथुमला दुसऱ्या बॅटने पुढील डावाची सुरुवात करावी लागली. त्याचा व्हिडिओही समोर आला आहे, तर आयसीसीने त्याचा फोटो ट्विटरवर शेअर केला आहे.

अॅडम मिल्नेची उत्कृष्ट कामगिरी –

न्यूझीलंड आणि श्रीलंका यांच्यात खेळल्या गेलेल्या दुसऱ्या टी-२० सामन्यात अॅडम मिल्नेला सामनावीराचा पुरस्कार देण्यात आला. मिल्नेने सामन्यात ४ षटकात केवळ २६ धावा देत ५ बळी घेतले. त्याची टी-२० कारकिर्दीतील पाच विकेट्स घेण्याची ही पहिलीच वेळ होती. यासह त्याच्या टी-२० कारकिर्दीतील ४२ विकेट्सही पूर्ण झाल्या. मिल्नेने ३७ सामन्यांच्या कारकिर्दीत एकदाच ४ विकेट्स घेतल्या आहेत.

न्यूझीलंडने मोठा विजय नोंदवला –

या सामन्यात प्रथम फलंदाजी करताना श्रीलंकेचा संघ १९ षटकात अवघ्या १४१ धावा करत सर्वबाद झाला. श्रीलंकेच्या एकाही फलंदाजाला मोठी खेळी करता आली नाही. प्रत्युत्तरात न्यूझीलंडने केवळ १ गडी गमावून लक्ष्य गाठले. टीम सेफर्टने ४३ चेंडूत ७९ धावांची शानदार खेळी केली.