डेव्हिड व्हिला आणि लिओनेल मेस्सी यांनी अखेरच्या आठ मिनिटांत नोंदविलेल्या शानदार गोलच्या बळावर बार्सिलोनाने सेव्हिल्लाचा २-१ अशा फरकाने पराभव केला. या विजयानिशी बार्सिलोनाच्या खात्यावर आता एकूण १५ गुण जमा झाले असून, ‘ला लिगा करंडक’ फुटबॉल स्पध्रेच्या तालिकेत ते आघाडीवर आहेत. या सामन्यात ४२व्या मिनिटाला अल्बटरे बोटियाने गोल झळकावून सेव्हिल्ला संघाला १-० अशी आघाडी मिळवून दिली होती.