Champions Trophy Corbin Bosch replaces injured Anrich Nortje in South Africas Squad

Champions Trophy: चॅम्पियन्स ट्रॉफी २०२५ पूर्वी अनेक संघांना दुखापतींचा धक्का बसला आहे. यादरम्यान आफ्रिकेच्या संघाने फक्त एक आंतरराष्ट्रीय सामना खेळलेला खेळाडूची चॅम्पियन्स ट्रॉफी संघात सामील केलं आहे.

Champions Trophy दक्षिण आफ्रिकेचा चॅम्पियन्स ट्रॉफी संघ (फोटो-एक्सप्रेस)

Champions Trophy South Africa Updated Squad: चॅम्पियन्स ट्रॉफी सुरू होण्यापूर्वी अनेक संघांचे खेळाडू दुखापतीमुळे संघाबाहेर झाले आहेत. अनेक स्टार खेळाडू दुखापतीमुळे आयसीसीच्या या मोठ्या स्पर्धेत खेळू शकणार नाहीत. त्यामुळे संघांना बदली खेळाडूचा पर्याय शोधावा लागत आहे. ऑस्ट्रेलिया संघाचा कर्णधारचं दुखापतग्रस्त असून त्यांच्यासमोर मोठा पेच आहे. तर दक्षिण आफ्रिकेचे दोन गोलंदाज एनरिक नॉर्किया आणि गेराल्ड कुत्सिया यांनाही दुखापतींमुळे चॅम्पियन्स ट्रॉफीतून बाहेर पाहावे लागले.

आता दक्षिण आफ्रिकेने नॉर्कियाच्या जागी बदली खेळाडूची घोषणा केली आहे. आता एका खेळाडूने दक्षिण आफ्रिकेच्या संघात प्रवेश केला आहे ज्याने फक्त एक आंतरराष्ट्रीय वनडे सामना खेळला आहे. दक्षिण आफ्रिकेने एनरिक नॉर्कियाच्या जागी कॉर्बिन बॉशचा आपल्या संघात समावेश केला आहे.

कॉर्बिन बॉश आपल्या कारकिर्दीत प्रथमच चॅम्पियन्स ट्रॉफी खेळणार आहे. एवढेच नाही तर त्याची ही पहिलीच आयसीसी स्पर्धा असेल. चॅम्पियन्स ट्रॉफीसाठी दक्षिण आफ्रिकेच्या संघात एनरिक नॉर्कियाचा प्रथम समावेश करण्यात आला होता. मात्र, पाठीच्या दुखापतीमुळे नॉर्कियाला चॅम्पियन्स ट्रॉफीतून बाहेर पडावे लागले. आता त्याच्या जागी दक्षिण आफ्रिका क्रिकेट बोर्डाने ३० वर्षीय कॉर्बिनला आपल्या संघात स्थान दिले आहे.

हेही वाचा

IND vs ENG: अखेरीस प्रतिक्षा संपली! टीम इंडियाच्या मिस्ट्री स्पिनरचं वनडेमध्ये पदार्पण, इंग्लंडविरूद्ध कशी आहे भारताची प्लेईंग इलेव्हन?

कॉर्बिन बॉशला आंतरराष्ट्रीय क्रिकेटचा फारसा अनुभव नाही. या वेगवान गोलंदाजाने आतापर्यंत केवळ दोन आंतरराष्ट्रीय सामने खेळले आहेत. यामध्ये एक कसोटी आणि एक वनडेचा समावेश आहे. २०२४ मध्ये त्याने दोन्ही फॉरमॅटमध्ये पदार्पण केले होते. कसोटीत बॉशने ८१ धावा केल्या आणि ५ विकेट घेतल्या. एका वनडेमध्ये त्याने४० धावा केल्या आणि एक विकेट घेतली. मात्र, आता आयसीसी चॅम्पियन्स ट्रॉफीसारख्या मोठ्या स्पर्धेत तो कशी कामगिरी करतो यावर सर्वांच्या नजरा आहेत.

हेही वाचा

Rachin Ravindra Injured: चेंडू तोंडावर बसला आणि रक्त वाहू लागलं, रचीन रवींद्रला झालेल्या दुखापतीमुळे पाकिस्तानवर टीकेची झोड

JUST IN: South Africa have named Anrich Nortje’s replacement in their ICC Men’s Champions Trophy 2025 squad.

Details ➡️ https://t.co/xTRJ6Oap9O pic.twitter.com/wnMXU2j96d
— ICC (@ICC) February 9, 2025

चॅम्पियन्स ट्रॉफीसाठी दक्षिण आफ्रिकेचा संघ

This quiz is AI-generated and for edutainment purposes only.

टेम्बा बावुमा (कर्णधार), कॉर्बिन बॉश, टोनी डी जॉर्झी, मार्को यान्सन, हेनरिक क्लासेन, केशव महाराज, एडन माक्ररम, डेव्हिड मिलर, विआन मुल्डर, लुंगी एनगिडी, कागिसो रबाडा, रायन रिकेल्टन, तबरेझ शम्सी, ट्रिस्टन स्टब्स, रॅसी व्हॅन डेर डुसेन

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Champions trophy corbin bosch replaces injured anrich nortje in south africas squad bdg

Champions Trophy: फक्त एक आंतरराष्ट्रीय सामना खेळलेला खेळाडू चॅम्पियन्स ट्रॉफीच्या संघात दाखल, संघाने केली मोठी घोषणा