CSK vs KKR: शानदार..जबरदस्त…! चेन्नईच्या डु प्लेसिसनं सीमेवर घेतला अप्रतिम झेल; पाहा VIDEO

आयपीएल २०२१ स्पर्धेत कोलकाता विरुद्ध चेन्नई यांच्यात सामना सुरु आहे. या सामन्यात कोलकात्याचा कर्णधार मॉर्नगनं नाणेफेक जिंकत प्रथम फलंदाजी करण्याचा निर्णय घेतला. पहिल्या षटकाच्या शेवटच्या चेंडूवर शुबमन गिल बाद झाल्यानंतर संघावर दडपण आलं. अंबाती रायडूने जबरदस्त क्षेत्ररक्षण करत त्याला धावचीत केलं. शुबमन गिलने ५ चेंडूत ९ धावा केल्या. यात २ चौकारांचा समावेश आहे. शुबमन गिलनंतर वेंकटेश अय्यर आणि राहुल त्रिपाठी यांनी संघाचा डाव सावरला. मात्र संघाची धावसंख्या ५० असताना वेंकटेश अय्यर बाद झाला. त्याने १५ चेंडूत १८ धावा केल्या. यात ३ चौकारांचा समावेश आहे. शार्दुल ठाकुरच्या गोलंदाजीवर यष्टीरक्षक महेंद्रसिंह धोनीने त्याचा झेल घेतला. कर्णधार इऑन मॉर्गनही खेळपट्टीवर जास्त वेळ तग धरू शकला नाही. १४ चेंडूत ८ धावा करून तंबूत परतला.