फिफा फुटबॉल विश्वचषक २०२२ या स्पर्धेला २० नोव्हेंबर म्हणजेच रविवारपासून सुरू झाला आहे. सलामीच्या लढतीत इक्वेडोरने यजमान कतारवर २-० असा विजय मिळवला. यासाठी सर्व ३२ संघ कतारला पोहोचले आहेत. विश्वचषकाच्या एक दिवस आधी, एक फोटो जगभरात व्हायरल झाला आहे, कारण तो फोटो खूप खास आहे. या फोटोत ख्रिस्तियानो रोनाल्डो आणि लिओनेल मेस्सी बुद्धिबळ खेळताना दिसत आहेत.
पोर्तुगालचा ख्रिस्तियानो रोनाल्डो आणि अर्जेंटिनाचा लिओनेल मेस्सी हे सध्याच्या काळातील सर्वोत्तम फुटबॉलपटूंमध्ये गणले जातात. दोघेही दिग्गज असून या दोघांचा हा शेवटचा विश्वचषक असल्याचे मानले जात आहे. अशा परिस्थितीत विश्वचषकापूर्वी एक खास फोटोशूट झाले आहे, ज्यामध्ये दोघे एकत्र आले.
लुई व्हिटॉनने प्रायोजित केलेल्या या फोटोशूटमध्ये ख्रिस्तियानो रोनाल्डो आणि लिओनेल मेस्सी एकत्र बुद्धिबळ खेळताना दिसले. दोघांनीही त्यांच्या इंस्टाग्रामवर हा फोटो पोस्ट केला आणि या फोटोंना करोडो लाईक्स आले. इतकेच नाही तर टीम इंडियाचा माजी कर्णधार विराट कोहलीचाही कमेंट करणाऱ्यामध्ये समावेश होता.
हा फोटो शेअर करताना, दोन्ही खेळाडूंनी एकच कॅप्शन लिहिले, ज्यामध्ये संदेश होता की विजय ही फक्त मनाची स्थिती आहे. ख्रिस्तियानो रोनाल्डोने पोस्ट केलेल्या फोटोला २४ तासांत सुमारे ३० दशलक्ष लाईक्स मिळाले आहेत, तर लिओनेल मेस्सीच्या पोस्टला २५ दशलक्षाहून अधिक लाईक्स मिळाले आहेत.
भारताचा माजी कर्णधार विराट कोहलीने रोनाल्डोच्या पोस्टवर कमेंट करताना काय फोटो आहे लिहले. कोहलीच्या या कमेंटलाही हजारो लोकांनी लाईक केले. हा फोटो किती खास आहे, हे सांगते. विराट कोहलीने अनेकदा सांगितले आहे की, ख्रिस्तियानो रोनाल्डो त्याच्या आवडत्या खेळाडूंपैकी एक आहे.
