scorecardresearch

Premium

“हार्दिक पांड्या MI चा नवा कर्णधार होऊन, रोहितला..”, भारतीय माजी सलामीवीराचं बोल्ड विधान, म्हणाला, “धोनी सारखं..”

Hardik Pandya: आयपीएल, मुंबई इंडियन्स व हार्दिक पांड्या अशा तिन्ही सोशल मीडिया पेजेसवर हार्दिक पांड्याच्या MI मधील घरवापसीची अधिकृत घोषणा करण्यात आली आहे.

Hardik Pandya To Be Mumbai Indians Captain And Rohit Sharma To Play Under Him Predicts Former Indian Opener As Pandya Left GT
हार्दिक पंड्या मुंबई इंडियन्स (MI) मध्ये पुनरागमन करण्यासाठी सज्ज झाला आहे. (फोटो: लोकसत्ता ग्राफिक्स टीम)

Hardik Pandya To Be Mumbai Indians Captain: इंडियन प्रीमियर लीग (IPL) मध्ये गुजरात टायटन्स (GT) ला सर्वात दमदार संघ म्हणून ओळख मिळवून देणारा अष्टपैलू हार्दिक पंड्या मुंबई इंडियन्स (MI) मध्ये पुनरागमन करण्यासाठी सज्ज झाला आहे. आयपीएल, मुंबई इंडियन्स व हार्दिक पांड्या अशा तिन्ही सोशल मीडिया पेजेसवर याबाबत अधिकृत घोषणा करण्यात आली आहे. प्राप्त माहितीनुसार यापूर्वी पांड्याने सात आयपीएल हंगामांसाठी मुंबई इंडियन्ससोबत करार केला होता, २०२२ च्या हंगामापूर्वी मुंबई इंडियन्सने त्याला रिलीज केले होते. गुजरात टायटन्सचे त्यांच्या पदार्पणाच्या वर्षातच पांड्याकडे नेतृत्वाची संधी सोपवली होती. गेल्या वर्षी याच अष्टपैलू स्टारने गुजरात टायटन्सला विजेतेपद मिळवून दिले. त्याच्या नेतृत्वाखाली, गुजरात टायटन्सने MS धोनीच्या चेन्नई सुपर किंग्ज (CSK) विरुद्ध IPL 2023 ची अंतिम लढत देखील केली.

दरम्यान आता पाच वेळा आयपीएल जिंकलेल्या मुंबई इंडियन्सच्या संघाने गुजरात टायटन्सला हार्दिक पांड्यासाठी १५ कोटी रुपये देत आता स्टार खेळाडूला पुन्हा संघात आणले आहे. अंतिम मुदतीच्या दिवसापूर्वी दोन्ही संघांमधील या महत्त्वपूर्ण कराराविषयी बोलताना भारताचे माजी सलामीवीर कृष्णमाचारी श्रीकांत म्हणाले की, पांड्या हा आयपीएल २०२४ मध्ये मुंबई इंडियन्ससाठी मोठा बोनस असेल.

DY Patil T20 Cup 2024 Updates in marathi
Hardik Pandya : आयपीएलपूर्वी हार्दिक पंड्याचे क्रिकेटच्या मैदानात पुनरागमन, ‘या’ संघाचे करतोय नेतृत्त्व
blood group news
धक्कादायक! AB पॉझिटिव्ह ऐवजी चढवण्यात आलं O पॉझिटिव्ह गटाचं रक्त, युवकाचा तडफडून मृत्यू
mumbai girl made Pink Biryani for Barbie theme party
Mumbai : गुलाबी बिर्याणी! मुंबईच्या तरुणीने बार्बी थीम पार्टीसाठी चक्क बनवली गुलाबी रंगाची बिर्याणी; नेटकऱ्यांनी केले ट्रोल, VIDEO व्हायरल
model wearing caged rat high heel on street
फॅशन म्हणून चक्क पायात घातला उंदराचा पिंजरा! पाहा हा Video पाहून तुम्ही चक्रावून जाल

श्रीकांत यांनी युट्युबवर याविषयी मत मांडताना सांगितले की, “गुजरात टायटन्स आपल्या कर्णधारालाच कसे काय रिलीज करत आहे हे एक मोठं आश्चर्य आहे, पण मुंबई इंडियन्सला याचा खूप फायदा होऊ शकतो. मुंबईला एका अष्टपैलू खेळाडूची गरज होतीच. जेव्हा असे व्यवहार होतात तेव्हा अनेकदा हाच प्रश्न पडतो की कदाचित संघाचे मालक हे या सगळ्याकडे एक व्यवसाय म्हणूनच पाहत असतील. जेव्हा पांड्या गुजरातचा कर्णधार होता तेव्हा त्यांनी विजेतेपद जिंकले आहे, दोन वेळा अंतिम फेरी गाठली आहे.”

दरम्यान, माजी भारतीय फलंदाजाने असे मत व्यक्त केले की कदाचित आता मुंबई इंडियन्सचा संघाचा पुढील कर्णधार म्हणून पांड्याचे नाव घेतले जाऊ शकते. मात्र, रोहित हा मुंबई इंडियन्सचा अविभाज्य भाग राहील. पण ज्याप्रकारे सचिन आणि रोहित यांच्यावेळी नेतृत्व एका खांद्यावरून दुसऱ्या खांद्यावर पुढे सरकवण्यात आलं तीच वेळ कदाचित आता रोहित आणि हार्दिकच्या बाबत आली आहे. भारतीय कर्णधार रोहित शर्माने एमआयला पाच वेळा आयपीएल जेतेपदाचा मुकुट मिळवून दिला आहे. भारताचा कर्णधार रोहितने जगातील सर्वात श्रीमंत T20 लीगमध्ये २४३ सामने खेळले आहेत.

हे ही वाचा<<“मला खूप वाईट..”, मोहम्मद शमीचं ऑस्ट्रेलियन स्टारच्या वादग्रस्त फोटोवर स्पष्ट उत्तर; म्हणाला, “ज्याला डोक्यावर..”

मात्र हे सगळं सोप्या पद्धतीने होण्याची गरज आहे. जे काम धोनीने भारतीय कर्णधारपद विराट कोहलीकडे सोपवताना केले तसेच होणे आवश्यक आहे. धोनी तेव्हा कोहलीच्या हाताखाली खेळला होता, ही एकप्रकारे गुरु-शिष्याचीच जोडी होती. रोहित आणि हार्दिकच्या बाबत असे व्हायला हवे जिथे सहजपणे हार्दिक संघाचे नेतृत्व करेल आणि रोहित संघ सांभाळेल.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Hardik pandya to be mumbai indians captain and rohit sharma to play under him predicts former indian opener as pandya left gt svs

First published on: 27-11-2023 at 13:47 IST

संबंधित बातम्या

तुम्ही या बातम्या वाचल्या आहेत का? ×