scorecardresearch

Premium

Mitchell Johnson: ऑस्ट्रेलियाच्या जॉन्सनने डेव्हिड वॉर्नरवर भडकला; म्हणाला, “गुन्हेगाराला निरोपाची मालिका…”

Mitchell Johnson: डेव्हिड वॉर्नरवर टीका करताना ऑस्ट्रेलियाचा माजी वेगवान गोलंदाज मिचेल जॉन्सनने मोठे विधान केले आहे. पाकिस्तानविरुद्धच्या कसोटी मालिकेत डेव्हिड वॉर्नरला संधी दिल्याने मिचेल जॉन्सनने संताप व्यक्त केला आहे.

Johnson attacks David Warner says What is the need to give a farewell series to the culprit
डेव्हिड वॉर्नरवर टीका करताना ऑस्ट्रेलियाचा माजी वेगवान गोलंदाज मिचेल जॉन्सनने मोठे विधान केले आहे. सौजन्य- (ट्वीटर)

Mitchell Johnson on David Warner: सलामीवीर डेव्हिड वॉर्नरवर टीका करताना ऑस्ट्रेलियाचा माजी वेगवान गोलंदाज मिचेल जॉन्सनने संतापजनक विधान केले आहे. पाकिस्तानविरुद्धच्या कसोटी मालिकेत डेव्हिड वॉर्नरला संधी दिल्याने मिचेल जॉन्सनने संताप व्यक्त केला आहे. पाकिस्तान आणि ऑस्ट्रेलिया यांच्यातील तीन सामन्यांची कसोटी मालिका १४ डिसेंबरपासून सुरू होणार आहे. पहिला कसोटी सामना १४ ते १८ डिसेंबर दरम्यान पर्थ येथे खेळवला जाणार आहे.

तो गुन्हेगार असून मोठ्या निरोपाच्या समारंभाला पात्र नाही- मिचेल जॉन्सन

पाकिस्तानला २६ ते ३० डिसेंबर दरम्यान मेलबर्नमध्ये ऑस्ट्रेलियाविरुद्ध दुसरा कसोटी सामना खेळायचा आहे. पाकिस्तान आणि ऑस्ट्रेलिया यांच्यातील तिसरा आणि शेवटचा कसोटी सामना सिडनी येथे ३ ते ७ जानेवारी २०२४ या कालावधीत नवीन वर्षात खेळवला जाईल. वास्तविक, पाकिस्तानविरुद्धच्या पहिल्या कसोटीसाठी ऑस्ट्रेलियाच्या १४ सदस्यीय संघात आक्रमक सलामीवीर डेव्हिड वॉर्नरला संधी देण्यात आली आहे. मिचेल जॉन्सनने त्याचा सहकारी डेव्हिड वॉर्नरला निरोपाची मालिका देण्यात का आली यावर जोरदार टीका केली आहे. त्याच्या मते, “तो गुन्हेगार असून मोठ्या निरोपाच्या मालिका समारंभाला पात्र नाही.”

AUS vs NZ 2nd T20I Highlights in marathi
AUS vs NZ : मॅक्सवेलने फिंचचा विक्रम मोडत रचला इतिहास, ऑस्ट्रेलियासाठी ‘ही’ कामगिरी करणारा ठरला पहिला फलंदाज
Mohammad Amir Praises Virat Video Viral
VIDEO : विराटच्या नेतृत्वाखाली खेळायला आवडेल की बाबरच्या? पाकिस्तानच्या गोलंदाजाने दिले चकीत करणारे उत्तर
australia's tom straker picks up 6 wickets
U19 World Cup Semi Final: ठरलं! रविवारी भारत ऑस्ट्रलिया वर्ल्डकप फायनल; पाकिस्तानवर थरारक विजय
Former England captain Michael Atherton Statement
IND vs ENG : जसप्रीत बुमराहसमोर बेन स्टोक्स वारंवार का अपयशी ठरतोय? इंग्लंडच्या माजी कर्णधाराने सांगितले कारण

हेही वाचा: World Cup 2024 : ‘जर हार्दिक थेट आयपीएल खेळला, तर…’; आशिष नेहराचे टी-२० विश्वचषकातील कर्णधारपदाबाबत मोठं वक्तव्य

मिचेल जॉन्सनचा डेव्हिड वॉर्नरवर राग

मिचेल जॉन्सन म्हणाला की, “२०१८ मध्ये बॉल टॅम्परिंगची घडलेली घटनार आणि त्यानंतर एका वर्षाच्या बंदीला सामोरे जावे लागल्यानंतर डेव्हिड वॉर्नर निरोपाच्या मालिका मिळण्यास पात्र नाही.” मिचेल जॉन्सनने २०१८ मध्ये झालेल्या बॉल टॅम्परिंग प्रकरणात अडकलेल्या डेव्हिड वॉर्नरला गुन्हेगार म्हणून संबोधले आहे. द- वेस्ट वृत्तानुसार, डेव्हिड वॉर्नरने पाकिस्तानविरुद्धच्या कसोटी मालिकेतच या फॉरमॅटमधून निवृत्ती घेण्याचा निर्णय घेतला आहे.

‘द वेस्ट ऑस्ट्रेलियन’ मधील लेखात मिचेल जॉन्सन म्हणाला, “बॉल टॅम्परिंग घटनेला पाच वर्षे झाली आहेत. डेव्हिड वॉर्नरचा उद्दामपणा आणि आपल्या देशाबद्दलच्या अनादर अजूनही तसाच आहे. डेव्हिड वॉर्नरच्या निरोपाच्या मालिकेसाठी आम्ही तयारी करत आहोत, कोणी सांगेल का असे का? संघर्ष करणाऱ्या कसोटी सलामीवीराला स्वतःच्या निवृत्तीची तारीख का निवडावी लागते?” असे म्हणत त्याने ऑस्ट्रेलियन क्रिकेट बोर्डाला प्रश्न विचारले आहेत.

हेही वाचा: Rahul Dravid: “आम्ही त्याला प्रशिक्षक होण्यासाठी…”, सौरव गांगुलीने द्रविडचा कार्यकाळ वाढवण्याबाबत केले मोठे विधान

२०१३-१४ अ‍ॅशेस मालिकेतील निर्भेळ यश आणि २०१५ एकदिवसीय विश्वचषक जिंकण्यासह ही जोडी ऑस्ट्रेलियासाठी पाच वर्षांहून अधिक काळ एकत्र खेळली आहे. नोव्हेंबर २०१५ मध्ये निवृत्त झालेल्या जॉन्सनने ऑस्ट्रेलियासाठी ७३ कसोटी सामन्यांमध्ये ३१३ विकेट्स घेतल्या.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: He doesnt deserve a heros farewell mitchell johnson gets angry at david warner avw

First published on: 03-12-2023 at 12:55 IST

संबंधित बातम्या

तुम्ही या बातम्या वाचल्या आहेत का? ×