बांगलादेशच्या खेळाडूवर ICC ची कारवाई, नेपाळविरूद्धच्या सामन्यात कर्णधारासह घातलेला वाद

ICC Fined Tanzim Hasan Sakib: बांगलादेशचा वेगवान गोलंदाज तनझिम हसन शाकिबला आयसीसीने कठोर शिक्षा केली आहे. सामन्यादरम्यान त्याने नेपाळचा कर्णधार रोहित पौडेलशी वाद घातला होता.

तंजीम हसन साकिबवर आय़सीसीची कारवाई (फोटो- X)

बांगलादेश संघाने आयसीसी टी-२० विश्वचषक २०२४ च्या सुपर८ मध्ये आपले स्थान निश्चित केले आहे, ज्यामध्ये संघाला २१ जूनला ऑस्ट्रेलिया संघाविरुद्ध पहिला सामना खेळायचा आहे. बांगलादेशने त्यांच्या शेवटच्या गट सामन्यात नेपाळचा २१ धावांनी पराभव करून पुढील फेरीत आपले स्थान निश्चित केले होते. या सामन्यात बांगलादेश संघाकडून खेळणारा वेगवान गोलंदाज तंजीम हसन शाकिबची नेपाळ संघाचा फलंदाज रोहित पौडेलशी भांडण झाले, ही घटना नेपाळच्या डावाच्या तिसऱ्या षटकात घडली. आता आयसीसीने तंजीम हसनला त्याच्या मॅच फीचा दंड ठोठावला आहे.

[quiziframe id=43 dheight=282px mheight=417px

दोन्ही खेळाडूंमध्ये वाद झाला आणि त्यानंतर हातवारेही करण्यात आले, ज्यामध्ये मैदानावरील पंच सॅम नोगाज्स्की यांनी मध्ये पडत त्या दोघांना बाजूला केले. या घटनेनंतर पंच बांगलादेशचा कर्णधार नजमुल हुसेन शांतोशी बोलतानाही दिसले.

हेही वाचा – न्यूझीलंडच्या वर्ल्डकपमधून घरवापसीचा पहिला दणका; केन विल्यमसनने सोडले कर्णधारपद

आयसीसीने आचारसंहितेचे उल्लंघन केल्याप्रकरणी बांगलादेश संघाचा वेगवान गोलंदाज तनझिम हसन शाकिबला त्याच्या मॅच फीच्या १५ टक्के दंड ठोठावला आहे. तंजीम आयसीसीच्या आचारसंहितेच्या अनुच्छेद २.१२ चे उल्लंघन केल्याबद्दल दोषी आहे. जे खेळाडू, सामनाधिकारी, सपोर्ट स्टाफ, पंच किंवा इतर कोणत्याही व्यक्तीशी अयोग्य वर्तन केल्याप्रकरणी आहे. तंजीमने सामनाधिकाऱ्यांसमोर आपल्यावरील हे आरोप मान्य केले होते. अशा परिस्थितीत या प्रकरणी कोणत्याही प्रकारची औपचारिक सुनावणी होणार नाही. नेपाळविरुद्धच्या या सामन्यात तंजीमने भेदक गोलंदाजी बांगलादेश संघाच्या विजयात महत्त्वाची भूमिका बजावली, ज्यात त्याने ४ षटकांत केवळ ७ धावा देत ४ विकेट घेतले.

हेही वाचा – Super 8 Explainer: वर्ल्डकपमधील सुपर८चे सामने कसे खेळवले जाणार? काय आहे A1, B2 चं गणित; जाणून घ्या सविस्तर

तंजीम आणि रोहित पौडेलच्या भांडणाचा व्हीडिओ

Bangladeshi bowler Tanzim hasan sakib shows his jihadi mode to Nepal's captain Rohit Paudel on ground pic.twitter.com/qTzQJTb1Hl
— cricpicx (@cricpicx) June 17, 2024

तंजीम हसन साकिबच्या रेकॉर्डमध्ये एक डिमेरिट पॉइंट जोडला गेला आहे. २४ महिन्यांतील त्याचा हा पहिलाच गुन्हा होता. जेव्हा एखादा खेळाडू २४ महिन्याच्या कालावधीत चार किंवा अधिक डिमेरिट गुणांवर पोहोचतो, तेव्हा ते गुण निंलबनामध्ये बदलले जातात आणि खेळाडूला एक कसोटी किंवा दोन एकदिवसीय किंवा दोन टी-२० सामन्यांकरता बंदी घालण्यात येते.

हेही वाचा – ‘हा भारतीय असणार…’ असं म्हणत हारिस रौफ चाहत्यावर गेला धावून, संतापलेल्या हारिसने पत्नीलाही ढकललं; VIDEO व्हायरल

टी-२० विश्वचषक २०२४ मध्ये, बांगलादेश संघ २१ जून रोजी सुपर८ मध्ये ऑस्ट्रेलियाविरुद्ध पहिला सामना खेळणार आहे, तर २२ जून रोजी भारताविरुद्ध दुसरा आणि २५ जून रोजी अफगाणिस्तानविरुद्ध तिसरा सामना खेळेल. बांगलादेश संघाने ग्रुप स्टेजमधील ४ पैकी ३ सामने जिंकले होते, ज्यात त्यांना दक्षिण आफ्रिकेविरुद्धच्या सामन्यात पराभवाचा सामना करावा लागला होता.

T20 WC 2024: बांगलादेशच्या खेळाडूवर ICC ची कारवाई, नेपाळविरूद्धच्या सामन्यात कर्णधारासह घातलेला वाद

तंजीम आणि रोहित पौडेलच्या भांडणाचा व्हीडिओ