2024 T20 वर्ल्ड कपमध्ये विराट खेळेल की रोहित? माँटी पानेसरनं वर्तवलं भाकीत

पनेसरने टाईम्स ऑफ इंडियाला सांगितले की, “विराट जबरदस्त फॉर्ममध्ये आहे. तो सर्व भारतीय खेळाडूंमध्ये तंदुरुस्त आहे. विराटचा सुपर फिटनेस पाहता वय हा त्याच्यासाठी फक्त एक आकडा आहे. २०२४ च्या टी-२० विश्वचषकात तुम्ही त्याला पाहू शकता. मला रोहित त्या स्पर्धेचा भाग होताना दिसत नाही, डीके आणि अश्विन देखील (कदाचित तिथे नसतील). आणखी खेळाडू असू शकतात (टी-२० निवृत्तीचा विचार करून), परंतु मला वाटते, तिघेही टी-२० सोडून कसोटी आणि वनडेवर लक्ष केंद्रित करतील.”

उपांत्य फेरीत भारताची लढत झाली नसल्याचा दावा करत पानेसर यांनी हे एकतर्फी प्रकरण असल्याचे मान्य केले. तो म्हणाला, ‘खरं सांगायचं तर भारताने उपांत्य फेरीत एकही लढत दिली नाही. हे पूर्णपणे एकतर्फी प्रकरण होते. बटलर आणि हेल्ससमोर भारतीय गोलंदाजी असहाय्य दिसत होती. तुम्ही उपांत्य फेरीत खेळत आहात आणि तुम्हाला कठोर संघर्ष करण्याची गरज आहे. १६८ हा छोटा स्कोअर नाही.”

हेही वाचा – सर्फराज खान रुग्णालयात दाखल… विजय हजारे ट्रॉफीच्या सामन्यात तो पुढे खेळू शकेल की नाही? घ्या जाणून

पांढऱ्या चेंडूच्या मालिकेसाठी हार्दिक पांड्याच्या नेतृत्वाखालील भारतीय संघ आता न्यूझीलंडला पोहोचला आहे. पहिला सामना १८ नोव्हेंबरपासून सुरू होईल. या सामन्यासाठी कोणता संघ निवडला जातो हे पाहणे उत्सुकतेचे ठरणार आहे.