In WTC Final 2023 The Australians left the field without seeing review taken by Siraj and when umpires declared not out they returned from boundary

WTC फायनल 2023: ऑस्ट्रेलियन खेळाडूंनी रिव्ह्यू न पाहता मैदान सोडले, परंतु जेव्हा पंचांनी मोहम्मद सिराजला नाबाद घोषित केले तेव्हा त्यांना सीमारेषेवरून मैदानात परतावे लागले.

मोहम्मद सिराजला नाबाद घोषित केले तेव्हा ऑस्ट्रेलियन खेळाडूंना सीमारेषेवरून मैदानात परतावे लागले. सौजन्य- हॉटस्टार (ट्वीटर)

WTC 2023 Final India vs Australia: इंग्लंडमधील ओव्हल येथे भारत आणि ऑस्ट्रेलिया यांच्यात खेळल्या जात असलेल्या वर्ल्ड टेस्ट चॅम्पियनशिप (WTC) फायनलच्या तिसऱ्या दिवशी एक विचित्र घटना पाहायला मिळाली. त्यामुळे भर मैदानात कांगारूंचा पचका झाला. कॅमेरून ग्रीनच्या चेंडूवर मोहम्मद सिराजला बाद देण्यात आले. त्यावर टीम इंडियाने रिव्ह्यू घेतला. मात्र ऑस्ट्रेलियन खेळाडूंनी रिव्ह्यू न पाहता मैदान सोडले, पण पंचांनी मोहम्मद सिराजला नाबाद घोषित केल्यावर त्यांना सीमारेषेवरून परतावे लागले. हे दृश्य ६९ व्या षटकात दिसले.

रिव्ह्यू न पाहताच मैदानावरून ऑस्ट्रेलियाचा संघ परतला

६९व्या षटकातील तिसऱ्या चेंडूवर कॅमेरून ग्रीनने शार्दूलला बाद केले होते. यानंतर स्ट्राईकवर आलेल्या सिराजला पाचव्या चेंडूवर ग्रीनने शानदार यॉर्कर टाकला, त्यावर सिराजला बाद ठरवण्यात आले. अंपायरने त्याला आउट दिल्यावर सिराजने लगेच रिव्ह्यू घेतला. मात्र ऑस्ट्रेलियन खेळाडूंनी सिराजने घेतलेला तो रिव्ह्यू पाहण्याचे कष्ट देखील घेतले नाही. ऑस्ट्रेलियन खेळाडू रिव्ह्यू न पाहताच एक एक करून मैदानातून परतले.

डीआरएस घेतल्यानंतर तिसऱ्या पंचाच्या निर्णयात चेंडू सिराजच्या बॅटला लागल्याचे अल्ट्राएजमध्ये स्पष्टपणे दिसून आले. अशा परिस्थितीत पंचांना नॉट आऊट घोषित करावे लागले. यानंतर सीमारेषेवर पोहोचलेले खेळाडू लगेच परतले. मात्र, मिचेल स्टार्कने पुढच्याच षटकात मोहम्मद शमीला बाद करत भारतीय डाव गुंडाळला.

https://twitter.com/yogeshrakh222/status/1667158956349984768?s=20

#AUSvsIND
That was embarrassing for Australia. Overconfident that @mdsirajofficial was out, walked off the field. Warner almost padded up also and then there was an inside edge and they back to bowl. ??#WTCFinal2023 #WTCFinal #INDvsAUS pic.twitter.com/YFHeXyIkVr
— BOBjr (@superking1816) June 9, 2023

सामन्याच्या धावसंख्येबद्दल बोलायचे झाले तर टीम इंडिया पहिल्या डावात २९६ धावांवर बाद झाली. यासह ऑस्ट्रेलियाला १७३ धावांची आघाडी मिळाली. ऑस्ट्रेलियाच्या दुसऱ्या डावात डेव्हिड वॉर्नर अवघी १ धाव काढून बाद झाला. मोहम्मद सिराजने त्याला के.एस. भरतकडे झेलबाद करून पॅव्हेलियनमध्ये पाठवले. तर उमेशने उस्मान ख्वाजाला १३ धावांवर घरचा रस्ता दाखवला.

हेही वाचा: WTC Final IND vs AUS: रहाणेच्या खेळीनंतरही टीम इंडिया बॅकफुटवर, तिसऱ्या दिवसअखेर ऑस्ट्रेलिया २९६ धावांनी आघाडीवर

This quiz is AI-generated and for edutainment purposes only.

पहिल्या डावात शतक झळकावणारे ऑस्ट्रेलियाचे दोन्ही खंदे फलंदाजही दुसऱ्या डावात फारशी चमक दाखवू शकले नाही. स्टीव स्मिथ ३४ धावा काढून तर हेड केवळ १८ धावा करून बाद झाले. दोघांना सर जडेजाने बाद केले. तिसऱ्या दिवसअखेर ऑस्ट्रेलियाने ४ विकेट्स गमावत १२३ धावा केल्या आहेत. सध्या त्यांच्याकडे २९६ धावांची आघाडी आहे. चौथ्या दिवशी भारताला विकेट्सची गरज आहे त्यामुळे आता उद्या टीम इंडियाची काय रणनीती असेल याकडे सर्वांचे लक्ष असेल.

First published on: 10-06-2023 at 09:36 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: In wtc final kangaroos were seen in so rush as they didnt the decision of third umpire regarding siraj review and returned from boundary avw

WTC Final IND vs AUS: किती ती घाई, किमान पंचांचा निर्णय तर बघा! भर मैदानात ऑस्ट्रेलियाचा झाला पचका, पाहा Video

रिव्ह्यू न पाहताच मैदानावरून ऑस्ट्रेलियाचा संघ परतला