Ind vs Aus : दुखापतींचं सत्र काही केल्या थांबेना…आता ‘गब्बर’ही झाला जायबंदी - Marathi News | Ind Vs Aus 2nd Odi Shikhar Dhawan Gets Injured Will Not Take Part In Fielding Psd 91

शिखरच्या बरगड्यांना दुखापत

भारतीय संघाला लागलेलं दुखापतींचं ग्रहण काही केल्या कमी होण्याचं चिन्ह दिसत नाहीये. पहिल्या सामन्यात फलंदाजीदरम्यान यष्टीरक्षक ऋषभ पंतच्या हेल्मेटला बॉल लागल्यामुळे त्याला दुसऱ्या सामन्याला मुकावं लागलं. यानंतर दुसऱ्या सामन्यातक भारतीय संघाचा सलामीवीर शिखर धवन दुखापतग्रस्त झाल्याचं समजतंय. शिखरच्या बरगड्यांना फलंदाजीदरम्यान दुखापत झाल्यामुळे तो क्षेत्ररक्षणासाठी मैदानात उतरला नाही. त्याच्या जागेवर युजवेंद्र चहल बदली खेळाडू म्हणून मैदानात उतरला.

Update: Shikhar Dhawan got hit on the rib-cage on his right side. He will not be taking the field today. Yuzvendra Chahal is in as his substitute. #TeamIndia #INDvAUS
— BCCI (@BCCI) January 17, 2020

दरम्यान, पहिल्या सामन्यात अपयशी ठरलेल्या रोहित शर्मा आणि शिखर धवन जोडीने दुसऱ्या सामन्यात डावाची सुरुवात सावधपणे केली. दोन्ही फलंदाजांनी ऑस्ट्रेलियन गोलंदाजांचा नेटाने सामना करत पहिल्या विकेटसाठी ८१ धावांची भागीदारी केली. रोहित शर्माला ४२ धावांवर बाद करत झॅम्पाने भारताची जमलेली जोडी फोडली. यानंतर शिखर धवन आणि विराट कोहली यांनी संघाचा डाव सावरत दुसऱ्या विकेटसाठी शतकी भागीदारी केली.

या दोन्ही फलंदाजांनी ऑस्ट्रेलियन गोलंदाजांचा समाचार घेत मैदानाच्या चौफेर फटकेबाजी केली. शिखर धवन आपल्या शतकापासून ४ धावा दूर असताना रिचर्डसनच्या गोलंदाजीवर स्टार्कने त्याचा झेल घेतला

First published on: 17-01-2020 at 18:13 IST

TOPICSशिखर धवन Shikhar Dhawan

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs aus 2nd odi shikhar dhawan gets injured will not take part in fielding psd