IND vs AUS: शमी मैदानात उतरताच प्रेक्षकांनी लगावले ‘जय श्रीराम’चे नारे! त्यावर शमीने असे काही केले की… पाहा VIDEO

सामना पाहण्यासाठी भारताचे पंतप्रधान नरेंद्र मोदी आणि ऑस्ट्रेलियाचे पंतप्रधान अँथनी स्टेडियमवर पोहोचल्याने हा सामना आणखीनच खास बनला, जिथे त्यांचा फोटो देऊन गौरव करण्यात आला. मात्र, या दोघांपेक्षा वेगवान गोलंदाज मोहम्मद शमीसोबत केलेल्या लाजिरवाण्या कृत्यामुळे या सामन्याची चर्चा अधिकच रंगली आहे. ज्याचा व्हिडिओ व्हायरल होत आहे. चाहते शमीला व्हिडिओमध्ये काहीतरी बोलण्याची विनंती करत आहेत. त्यानंतर शमीची प्रतिक्रिया चर्चेत आहे. ज्याचा तुम्ही हा व्हायरल व्हिडिओ पाहून अंदाज लावू शकता.

मोहम्मद शमीने चाहत्यांच्या आवाहनाकडे दुर्लक्ष केले

खरं तर, चौथ्या कसोटीच्या पहिल्या दिवशी टीम इंडियाचे सर्व खेळाडू चहापानानंतर पुन्हा मैदानात परतण्याच्या तयारीत होते. त्यामुळे स्टेडियममध्ये सामना पाहण्यासाठी आलेल्या काही चाहत्यांनी सुर्याला जोरात हाक मारण्यास सुरुवात केली. यानंतर सुर्याने त्याला हात दाखवून आणि नंतर हात जोडून अभिवादन स्वीकारण्यास सुरुवात केली.

मग काय, सुर्याने हात जोडताच लगेचच मैदानात उपस्थित प्रेक्षकांनी भगवंताच्या नावाने जय श्री राम जय श्री राम ‘जय श्री राम’चा जयघोष सुरू केला. यानंतर चाहत्यांनी मोहम्मद शमीचे नाव घेऊन त्याला ‘जय श्री राम, जय श्री राम’ म्हणण्याचे आवाहन केल्यावर हद्द झाली. हे दृश्य क्रीडाप्रेमी खेळाडूसाठी खूपच अस्वस्थ करणारे होते. यानंतर चाहत्यांच्या आवाहनाकडे दुर्लक्ष करत मोहम्मद शमी मैदानाकडे निघाला.

हेही वाचा: IND vs AUS: “भारतावर जर कोणी प्रश्नचिन्ह उपस्थित…”, ऑस्ट्रेलियन मीडिया आणि माजी क्रिकेटपटूंच्या वक्तव्यावर गावसकर संतापले

दुसऱ्या दिवसाचा खेळ संपला

दुसऱ्या दिवसाचा खेळ संपला. भारताने पहिल्या डावात एकही विकेट न गमावता ३६ धावा केल्या. भारतीय संघाला आज १० षटकांची फलंदाजी करायची होती. सध्या कर्णधार रोहित शर्मा ३३ चेंडूत नाबाद १७ धावा आणि शुबमन गिल २७ चेंडूत १८ धावा करून नाबाद आहे. टीम इंडिया सध्या ऑस्ट्रेलियापेक्षा ४४४ धावांनी मागे आहे. तत्पूर्वी, ऑस्ट्रेलियाचा पहिला डाव ४८० धावांवर संपला. उस्मान ख्वाजाने १८० धावा, कॅमेरून ग्रीनने ११४ धावा आणि टॉड मर्फीने ४१ धावा केल्या. भारताकडून रविचंद्रन अश्विनने सहा विकेट घेतल्या. तिसऱ्या दिवशी भारतीय संघ रोहित-शुबमनच्या चांगल्या सुरुवातीचे मोठ्या धावसंख्येमध्ये रूपांतर करू इच्छितो.